+ Descargar revista nº 8 (PDF) - Centro Gallego de Vitoria

6
sempre contemporánea convídanos a
reflexionar sobre o irracional desta
sociedade de consumo que viv i m o s :
moitas veces violenta e caótica, absurda
e iloxica, falsa e superficial, de desencontro
e seres perdidos; mais tamén
divertida e esperanzada. En fin, os comportamentos
dos homes e das mulleres
de hoxe en día e tamén da sociedade
galega das últimas décadas, contradictoria
e alienada.
Esta ollada sobre o mundo actual e o
noso País reflíctese en diferentes ensaios
e na súa obra xornalística. Aí están Unha
memoria da esquerda nacionalista
(Camilo Nogueira e outras voces), O
país da Brétema, Parado na tormenta ou
as colaboracións n’A Nosa Terra, El País,
La Vanguardia, etc. Por iso, este é tamén
o trunfo dun escritor maldito e incómodo
para as nosas autoridades, o trunfo da
Galiza invisíbel aos ollos da Galiza oficial.
Como o seu compañeiro Manuel
R ivas, foi censurado e reprochado en
moitas ocasións polo poder e os seus
tentáculos, como acaba de facer algún
medio ao lle cicatear información por
este premio. Hai nesta actitude unha
aposta persoal moi grande e xenerosa, a
mesma que arrastra aos medios foráneos
que o buscan para saber qué pasa e
como é a nosa terra. É o Suso de Toro
comprometido co seu País, o de Nunca
máis Galiza á intemperie, libro de reflexións
arredor da maré negra que xa conta
con varias edicións en galego,
castelán e catalán en menos dun ano. Foi
este libro (o primeiro que se publicou
tras o desastre) froito da emoción ante a
resposta social; foi a vida mesma quen
provocou este parto doloroso e necesario
de quen se encontrou nas rúas gale-
gas cos seus para entre todos reactivar
un espazo social vivo, digno e orgulloso
da súa identidade colectiva. Nese
momento foi cando o recuperamos con
folgos renovados.
En definitiva, Suso de Toro vén
sumarse a unha longa lista de galardoados
nos máis variados campos das
letras, da música, do audiovisual, da
ciencia, etc. que cos seus éxitos internacionais
seguen a facernos a nós,
como galegos, máis e mellores. De
Trece badaladas, que foi levada ao
cinema recentemente pola productora
galega Continental, non imos dicir
nada. Simplemente, conv i d a r vos a
subir á biblioteca do noso Centro e rescatala
de entre as pequenas xoias que
alí se gardan.
BIOBIBLIOGRAFÍA
DE SUSO DE TORO
Suso de Toro (Xesús de Toro Santos)
(Santiago, 1956), licenciado en Arte
Moderna e Contemporánea. Foi profesor
de Ensino Secundario. Escritor,
guionista para televisión e colaborador
habitual de prensa e radio. A súa obra
foi traducida a varias linguas, sendo
obxecto de estudio en diversas universidades
europeas e de varias adaptacións
ao cinema.
Nestes días chegas ás libra r í a s
Morgún, que vén sumarse a esta vizosa
obra:
- Libros de relatos: Caixón desastre
(1983), Premio Galicia da Universidade
de Santiago; Polaroid (1986), Premio da
Crítica Galicia; e Círculo (1998).
- Relatos: «De 10 a 11» (1981),
Premio Pedrón de Ouro; «A Pa s i ó n