Gramática - Academia de la Llingua Asturiana

VII.
El xéneru
y el númberu
96
ru indefiníu d'unidaes o d'individuos: les cases son mui afayadices; son
unos neños muncho llistos.
b) Referencia a una xeneralidá, a la especie. Exemplos: l'home ye mortal;
a la Conseyería preocúpa-y la formación del xoven; pel iviernu baxa'l
llobu. Nesti casu, el plural tien un significáu mui asemeyáu al del singular:
los homes son mortales; a la Conseyería preocúpa-y la formación
de los xóvenes; pel iviernu baxen los llobos.
3.3.2 COLOS SUSTANTIVOS NON CUNTABLES
L'usu normal y coloquial de la llingua nun suel aprovechar la posibilidá
morfolóxica de facer el plural de sustantivos non cuntables pa referise a
variedaes dientro la mesma clas o especie. Exemplos: el carbón, la lleña,
la sidra, el dineru, etc. De toes maneres, rexístrense plurales como la fame
/ les fames, etc.
En singular, los sustantivos non cuntables faen referencia a la especie o a
parte d'ella; el contestu de fala esclaria ún d'estos dos valores: la minería
del carbón da trabayu a munchos asturianos; echa carbón al fueu; el
dineru embizca a les persones; perdí'l dineru que llevaba en bolsu; etc.