Gramática - Academia de la Llingua Asturiana

pá bonal, pas bonales; él ye manguán, ellos son manguanes; un home
pelgar, unos homes pelgares; cangués, cangueses; una muyer pelgar,
unes muyeres pelgares; ma bonal, mas bonales. Axústase al mesmu
esquema -DOR / -DORES: el trabayador, los trabayadores; el ruxidor, los
ruxidores; falador, faladores; aforrador, aforradores. Prodúcense consecuencies
ortográfiques nel casu de -Z / -CES: el llimaz, los llimaces; la
llombriz, les llombrices; un pueblu feliz, unos pueblos felices; una ciudá
feliz, unes ciudaes felices.
j) Singular en consonante / plural consonante + -OS. Ye’l casu de: -ÍN / plural
-INOS (el vecín, los vecinos; el camín, los caminos; el xatín, los xatinos;
llaín, llaínos; ruin, ruinos; vieyín, vieyinos); -ÁN / -ANOS, en casos
como el ventán (tamién ventanu), los ventanos; ayerán, ayeranos; -Z /
plural -ZOS, en perpocos sustantivos (el rapaz, los rapazos; el maíz, los
maízos). La terminación -ÓN almite un plural en -ONOS o en -ONES, en
casos como el rapazón, los rapazonos o los rapazones; el señorón, los
señoronos o los señorones; vieyón, vieyonos o vieyones; grandón, grandonos
o grandones, pero non en el camión, los camiones; el montón, los
montones; moscón, moscones "de Grau".
Con axetivos, l'esquema -Z / -ZOS ye propiu del masculín, mentanto que'l
femenín fai -Z / -CES: un home porcaz, unos homes porcazos; un pá bonaz,
unos pas bonazos; una muyer porcaz, unes muyeres porcaces; una ma
bonaz, unes mas bonaces.
k) Singular y plural en -S. Exemplos: el llunes, los llunes; el xueves, los
xueves; el paragües, los paragües; el saltapraos, los saltapraos; el
páncrees, los páncrees; l'atles, los atles; la crisis, les crisis; esi ye un
pelanes, esos son unos pelanes; esi ye un voceres, esos son unos voceres;
esi ye un badanes, esos son unos badanes; esa ye una pelanes, eses
son unes pelanes; esa ye una voceres, eses son unes voceres; esa ye una
badanes, eses son unes badanes.
3.3 Significáu de la oposición singular / plural
3.3.1 COLOS SUSTANTIVOS CUNTABLES
Nun sustantivu cuntable, el númberu singular fai referencia a la clas o
especie; pero, acordies col contestu concretu, pue presentar dos referencies:
a) Referencia a la unidá, al individuu. Exemplos: la casa ye mui afayadiza;
ye un neñu muncho llistu. Nesti casu, el plural significa un númbe-
VII.
El xéneru
y el númberu
95