Gramática - Academia de la Llingua Asturiana

VII.
El xéneru
y el númberu
94
-DORA / -DORES: la trabayadora, les trabayadores; la catadora, les
catadores; faladora, faladores; xugadora, xugadores
-DERA / -DERES: la panadera, les panaderes; la regadera, les regaderes;
facedera, facederes; abridera, abrideres
-DORIA / DORIES: la subidoria, les subidories
-DURA / DURES: la chiscadura, les chiscadures; la moyadura, les
moyadures
-DIZA / DICES: antoxadiza, antoxadices; afayadiza, afayadices
-UDA / UDES: ñariguda, ñarigudes; carnuda, carnudes
-ADA / AES: l'abogada, les abogaes; la cuyarada, les cuyaraes;
moyada, moyaes; llograda, llograes
-IDA / ÍES: la partida, les partíes; l'atapecida, les atapecíes; bebida,
bebíes; galdida, galdíes
-EDA / EES: la carbayeda, les carbayees; la fumareda, les fumarees
Sobre la escritura de «d» nestes terminaciones, ver III.2.3.
d) Singular -E / plural -ES. Exemplos: el monte, los montes; la llende, les
llendes; la fonte, les fontes; pueblu llibre, pueblos llibres; home probe,
homes probes; nación llibre, naciones llibres; muyer probe, muyeres
probes.
e) Singular -E / plural -ENES, namái en dellos sustantivos d'aniciu cultu: l'orixe,
los oríxenes; el resume, los resúmenes; el dictame, los dictámenes;
el marxe, los márxenes; el crime, los crímenes; la virxe, les vírxenes. En
voces patrimoniales síguese'l mesmu esquema qu'en d): el dentame, los
dentames.
f) Singular en diptongu o triptongu acabáu en -I / plural -IS: el rei, los reis;
el cai, los cais; la llei, les lleis; la cai, les cais.
g) Singular en vocal tónica / plural vocal tónica + -S. Exemplos: l'esquí,
los esquís; el xalé, los xalés; el sofá, los sofás; el tabú, los tabús; la
xarré, les xarrés; la coñá, les coñás.
h) Singular en vocal tónica / plural vocal tónica + -ES. Dase namái en sustantivos:
la realidá, les realidaes; la señardá, les señardaes; la llibertá,
les llibertaes; l'amistá, les amistaes; la virtú, les virtúes.
i) Singular en consonante / plural consonante + -ES. Exemplos: l'animal,
los animales; el fontán, los fontanes; el llagar, los llagares; el cabás, los
cabases; el pex (tamién pexe), los pexes; la canal, les canales; la esmolición,
les esmoliciones; la figar, les figares; el viax (o viaxe), los viaxes;