Gramática - Academia de la Llingua Asturiana

-DERU / -DEROS: l'atechaderu, los atechaderos; el ruxideru, los
ruxideros; facederu, facederos; abrideru, abrideros
-DORIU / -DORIOS: el llavadoriu, los llavadorios; l'abellugadoriu,
los abellugadorios
-DIZU / -DIZOS: afayadizu, afayadizos; antoxadizu, antoxadizos
-UDU / -UDOS: ñarigudu, ñarigudos; barbudu, barbudos
Sobre la escritura de «d» nestes terminaciones, ver III.2.3.
b) Singular -O / plural -OS. La terminación singular «-o» ye propia namái
de dellos sustantivos, resultáu de l'apócope de formes compuestes, nos
exemplos l'automóvil, el metropolitanu, la fotografía, la radiotelefonía,
la motocicleta. Exemplos: l’auto, los autos; el metro, los metros
("ferrocarril"; pero el metru "midida"); la foto, les fotos; la radio, les
radios ("mediu de comunicación"; pero el radiu, "d'una circunferencia");
la moto, les motos. Dase tamién nos sustantivos non cuntables (el
fierro, el pelo, el filo, n'oposición a los cuntables el fierru, el pelu, el
filu) pero que nun tienen plural. Ha mentase la esceición na formación
del plural qu'amuesa'l sustantivu la mano, les manes.
c) Singular -A / plural -ES. Xeneralícense estes terminaciones lo mesmo pa
masculinos que pa femeninos: la lloba, les llobes; la neña, les neñes; la
puerta, les puertes; l'atleta, les atletes; mala, males; xusta, xustes; señardosa,
señardoses; ella ye socialista, elles son socialistes; muyer egoísta,
muyeres egoístes; el día, los díes; el problema, los problemes; el cura, los
cures; l'atleta, los atletes; él ye socialista, ellos son socialistes; home
egoísta, homes egoístes. Han tenese en cuenta les consecuencies ortográfiques
de lo qu'antecede:
- Singular -ZA, plural -CES: la rapaza, les rapaces; la esperanza,
les esperances; andaluza, andaluces; gastiza, gastices.
- Singular -CA, plural -QUES: la llueca, les llueques; la conca, les
conques; blanca, blanques; tosca, tosques.
- Singular -GA, plural -GUES: la llamarga, les llamargues; l'estratega,
los estrategues; gallega, gallegues; ciega, ciegues.
- Singular -GUA, plural -GÜES: la cigua, les cigües; la llingua, les
llingües; antigua, antigües; ambigua, ambigües.
Axústense al mesmu esquema les terminaciones que siguen darréu:
-EA / EES: la velea, les velees; la rocea, les rocees; europea, europees;
fea, fees
-UA / UES: oblicua, oblicues; continua, continues
VII.
El xéneru
y el númberu
93