Gramática - Academia de la Llingua Asturiana

pertenecen a los que presenten variación de xéneru masculín y femenín.
Trátase, pelo contrario, de coincidencies ente sustantivos de xéneru fixu
masculín que tienen espresión asemeyada a otros de xéneru fixu femenín:
el cueru, la cuera; el casu, la casa; el cuelmu, la cuelma; el garitu, la
garita; el palu, la pala; el comederu, la comedera; el filu, la fila; el forru,
la forra; l'alborniu, l'albornia; el tema, la tema; el marcu, la marca; el
mapa, la mapa; el sidru, la sidra; el cai, la cai.
2
El neutru
2.1 Carauterístiques xenerales
El neutru ye un xéneru qu'apaez nel artículu, nos axetivos, nos referentes
y nos pronomes personales qu'entren en concordancia con sustantivos non
cuntables y con otros elementos d'asemeyaes carauterístiques.
A diferencia del xéneru masculín y femenín y del númberu, el neutru nun
tien manifestación (sacantes unos pocos de casos) nel términu rexente o
nuclear de la concordancia (el sustantivu), sinón namái nel términu subordináu,
o seya, nel axetivu o referente. Sicasí, la presencia del neutru nel
axetivu o nel referente ye pura repercusión del calter non cuntable del términu
principal.
Los sustantivos y otros elementos qu'esixen concordancia de neutru, apaecen
siempre en singular; el neutru enxamás s'asocia al númberu plural, lo
que se reflexa tamién na concordancia col verbu.
La esistencia del neutru fai que n'asturianu l'axetivu pueda amosar tres terminaciones:
-u pal masculín, -a pal femenín y -o pal neutru. Por exemplu:
malu, mala, malo.
Tolo que se refier a la sintaxis del neutru pue atopase en XXII.2.3.2 y
XXIV.4.1.1.
2.2 Espresión del neutru
2.2.1 MODELOS DE TRIPLE TERMINACIÓN N’AXETIVOS
Xeneralmente, el formante morfolóxicu del neutru tien como espresión
específica -O: malo, moyao, bebío, nuevino, puercono, charrano, etc.
Acordies con esto, l'axetivu asturianu presenta los siguientes modelos de
VII.
El xéneru
y el númberu
89