Gramática - Academia de la Llingua Asturiana

panaderu, la panadera; facederu, facedera; abrideru, abridera) y -DIZU
/ -DIZA (afayadizu, afayadiza; antoxadizu, antoxadiza). Sobre la escritura
de «d» nestes terminaciones, ver III.2.3.
b) Masculín -ÁU / femenín -ADA (l'abogáu, l'abogada; el cuyaráu, la cuyarada;
moyáu, moyada; enfotáu, enfotada), -ÍU / -IDA (el berríu, la berrida;
el xiblíu, la xiblida; bebíu, bebida; apurríu, apurrida, pero el fíu, la
fía; el tíu, la tía; el coríu, la coría) y -ÉU / -EDA (el carbayéu, la carbayeda;
el castañéu, la castañeda; el fresnéu, la fresneda). Sobre la escritura
de «d» nestes terminaciones, ver III.2.3.
c) Masculín -E / femenín -A. Exemplos: el presidente, la presidenta; el
xastre, la xastra; pariente, parienta.
d) Masculín en consonante / femenín consonante + -A. Exemplos: el marqués,
la marquesa; el rapaz, la rapaza; el coronel, la coronela; el
sobrín, la sobrina; el señor, la señora; cangués, canguesa; manguán,
manguana; vieyín, vieyina. De la mesma manera -DOR / -DORA (el llabrador,
la llabradora; el trabayador, la trabayadora; falador, faladora;
bebedor, bebedora).
e) Formación del femenín per aciu de sufixos: sufixu femenín -SA o -ESA
(l'alcalde, l'alcaldesa; el conde, la condesa; el príncipe, la principesa
o princesa; el llargatu, la llargatesa) y sufixu femenín -NA o -INA
(el rei, la reina; el gallu, la gallina). Tamién, per aciu de medios léxicos:
l'home, la muyer; el pá, la ma; el caballu, la yegua; el carneru,
la oveya; el castrón, la cabra; el güe, la vaca; el xenru, la nuera; el
machu, la fema.
f) Sustantivos o axetivos con variación de xéneru non reflexada na espresión:
el xurista, la xurista; un atleta, una atleta; él ye socialista, ella
ye socialista; un home llibre, una muyer llibre; un güelu bonal, una
güela bonal; un animal xabaz, una bestia xabaz.
1.4 Significáu de la oposición masculín / femenín nos sustantivos
La estremación ente masculín y femenín tien un valor rellacional; n'efeutu,
les concordancies de xéneru ente sustantivu y axetivu son un mediu
d'amosar les rellaciones que s'establecen ente elementos diversos de la
cadena falada.
Pero, arriendes d'ello, el xéneru del sustantivu pue aportar tamién della
información suplementaria.
VII.
El xéneru
y el númberu
87