Gramática - Academia de la Llingua Asturiana

IV.
La sílaba
64
- N'allugamientu final de pallabra: bórax, cóccix, tórax, sílex, etc.
- Cuando va en posición intervocálica o delantre de h muda: anexu, bauxita,
boxéu, complexu, convexu, coxis, exame, exerciciu, exércitu, exhibir,
exiliu, existir, éxitu, éxodu, exoftalmia, exogamia, exóticu, fixar,
heterodoxu, hexaedru, hexágonu, hexámetru, hexasílabu, léxicu, maxilar,
nexu, praxis, óxidu, prefixu, próximu, reflexivu, sexu, sintaxis, sufixu,
taxi, tóxicu, etc.
Ha tenese en cuenta que les pallabres qu'amuesen orixinariamente les terminaciones
«-xia», «-xion» adáutense n'asturianu como -xa, -xón.
Exemplos: anorexa, asfixa, asfixar, galaxa, heterodoxa, papiroflexa, anexón,
conexón, crucifixón, complexón, reflexón, etc. Lo mesmo asocede
coles qu’orixinariamente presenten una secuencia «xi» + vocal: axoloxía,
axoma, axomáticu.
- Nes pallabres qu’entamen pel prefixu ex-: ex-conceyal, ex-ministru, exconseyeru,
etc.
Sicasí, adáutense con «s»:
- Cuando la «x» orixinaria queda delantre consonante dientro la pallabra :
esceición, escelente, escesu, esclamar, esclusivu, escursión, espedición,
esperimentu, espertu, esplicar, esplorador, esplotación, esponer, esposición,
esterior, estraordinariu, estraterrestre, etc. Y tamién pallabres
diverses en que la «x» orixinaria s’atopa en final de sílaba: sestu, testu,
yustapuestu, etc.
Ye posible la doble grafía nos siguientes exemplos: esame ~ exame, esaxerar
~ exaxerar, esixir ~ exixir, osíxenu ~ oxíxenu, esistir ~ existir, ésitu ~ éxitu.
c) Adáutense con / s/ (lletra «x») delles pallabres cultes qu'en griegu o en
llatín s'escriben con i consonántica o hi.
Exemplos: axacente, axetivu, conxetura, coxuntura, dixuntu, dixuntivu,
inxuria, maxestá, maxestáticu, oxetu, suxetu, xerarquía, xurisdicción, etc.
N'otros casos l'adautación faise per aciu del fonema /y/ (lletra «y»): proyeutu,
yodu, inyeición, peyorativu, trayeutu, trayectoria.
d) L'adautación con / s/ (lletra «x») ye la que se fai con pallabres emprestaes
que nes llingües d'orixe tienen [x] ("jota"), [ s], [ z] o [d z].
Exemplos: xarré, xalé, xofer, xampán, xardín, xamón, xefe, clixé, xampiñón,
bolxevique, xerez, etc.