Gramática - Academia de la Llingua Asturiana

-bsc- > -sc-: escuru, ascisa
-bst- > -st-: astrautu, astenese, sustancia, sustantivu, sustratu,
astemiu
c) El grupu consonánticu «-ds» final de sílaba caltiénse na escritura.
Exemplos: adscribir, adstratu, etc.
d) Grupu «-ns». El grupu «-ns» final de sílaba caltiénse na escritura:
-nsc-: inscribir
-nsp-: inspiración, conspiración, circunspeutu, inspeición
-nst-: constar, circunstancia, constitución, institutu, instancia,
constancia, constelación, constituyir, instintu, instrumentu
Pelo contrario, les pallabres cultes qu'amuesen el prefixu trans- siguíu de
consonante xeneralícense col prefixu patrimonial asturianu tres-, según
enclín de la llingua: tresmitir, tresferencia, tresformar, tresvasar, treslladar,
tresllucir, trescribir, tresparente, tresponer, tresportar, etc.
e) El grupu «-rs» final de sílaba caltiénse na escritura de les pallabres d'orixe
cultu. Exemplos:
-rsp-: perspeutiva
-rst-: supersticiosu
4.15 Adautación cola lletra «x»
Nes pallabres d'aniciu cultu, l'asturianu presenta la lletra «x» en dellos casos.
a) Como práutica habitual y tradicional, n'asturianu adáutense col fonema
/ s/ (lletra «x») aquelles pallabres cultes que, tomaes del griegu o del llatín,
s'escriben neses llingües con «ge», «gi».
Exemplos: xeoloxía, rexistrar, xeneral, inxeniu, áxil, hidróxenu, máxicu,
vixilar, xestión, axente, xenitivu, enerxía, ximnasia, xigante, páxina, pedagóxicu,
vexetal, aflixir, anxines, biolóxicu, xinecólogu, etc.
Nesti sen, l'adautación faise acordies colos usos de la lletra «x» n'asturianu,
desaniciando la secuencia «xi» cuando la vocal nun ye centru de sílaba.
Exemplos: naufraxu, alerxa, prestixu, rexón, contaxu, demagoxa,
estratexa, sufraxu, hemorraxa, maxa, antropofaxa, lliturxa, colexu, etc.
b) Adáutense cola lletra «x» munches pallabres cultes qu'en griegu o en
llatín s'escriben cola lletra «x». D'esta miente:
- N'allugamientu inicial de pallabra: xenofobia, xenón, xerocopia, xilófonu,
xilografía, etc.
IV.
La sílaba
63