Gramática - Academia de la Llingua Asturiana

IV.
La sílaba
62
4.11 Adautación de -f final de sílaba
Como norma de calter xeneral, caltiénse la «-f» final de sílaba nes pallabres
d'orixe cultu. Exemplos:
-ft-: difteria, aftosa, naftalina, oftalmoloxía, etc.
4.12 Adautación de -m final de sílaba
El caltenimientu de «-m» a lo cabero de sílaba ye tendencia xeneral na
adautación de les pallabres cultes. Exemplos:
-mn-: amnesia, amnistía, himnu, ximnasia, omnívoru, etc.
En final de pallabra, la «-m» consérvase na escritura de los cultismos:
réquiem, referéndum, álbum, memorándum, etc.
4.13 Adautación de -n final de sílaba y de pallabra
La «-n» final de sílaba o de pallabra en cultismos adáutase al asturianu
acordies con estos criterios:
a) La secuencia «-nn-» caltiénse na escritura, en coincidencia coles pallabres
tradicionales como ennegrecer, ennialar, fálennos. Exemplos:
innatu, innecesariu, innoble, etc.
b) Escríbese «-n» final de sílaba en: inmortal, inmoral, inmerecíu, inmobiliaria,
inmunoloxía, inmanente, conmiseración, conmemorar, etc.
c) En final de pallabra, la «-n» de les pallabres d'aniciu cultu desaníciase
nes terminaciones -men, -xen, siguiendo asina a les pallabres patrimoniales
como dentame, velame, lloriame, furame, etc.; ver VII.3.2.e.
Exemplos: abdome, esame, dictame, réxime, marxe, volume, resume,
orixe, Carme, etc.
4.14 Adautación de grupos consonánticos en final de sílaba
o de pallabra
Les voces d'aniciu cultu que presenten grupos consonánticos en final de
sílaba o de pallabra, adáutense acordies con estos criterios:
a) El grupu consonánticu «-ps» de fin de pallabra caltiénse na escritura de
les pallabres cultes: bíceps, tríceps, fórceps, etc.
b) La tendencia xeneral empobina a la perda del primer elementu del
grupu -bs final de sílaba, dexando namái -s final de sílaba na escritura.
Exemplos: