Gramática - Academia de la Llingua Asturiana

IV.
La sílaba
60
b) Pue vocalizase como -i nes terminaciones -aición ~ -acción y -eición ~
-ección:
-aic- ~ -acc-: aición o acción, astraición o astracción, atraición
o atracción, redaición o redacción, contraición o contracción
-eic- ~ -ecc-: afeición o afección, eleición o elección, lleición o
llección, coleición o colección, perfeición o perfección, proteición
o protección, direición o dirección, proyeición o proyección,
seición o sección
c) Pue vocalizase como -u en casos como estos:
-aut- ~ -act-: astrautu o astractu, artefautu o artefactu, caráuter
o carácter, compautu o compactu, contautu o contactu,
detrautor o detractor, esautu o esactu, impautu o impactu,
intautu ointactu, pautu o pactu, práutica o práctica, táutica o
táctica, didáutica o didáctica
-eut- ~ -ect-: afeutu o afectu, arquiteutu o arquitectu, aspeutu o
aspectu, circunspeutu o circunspectu, coleutivu o colectivu,
correutu o correctu, reutu o rectu, dialeutu o dialectu, inspeutor
o inspector, insurreutu o insurrectu, perfeutu o perfectu,
perspeutiva o perspectiva, predileutu o predilectu, proteutor
o protector, proyeutu o proyectu
-eud- ~ -ecd-: anéudota o anécdota
-eun- ~ -ecn-: téunica o técnica
4.8 Adautación de -b final de sílaba y de pallabra
La «-b» final de pallabres d'orixe cultu adáutase n'asturianu como sigue:
a) La tendencia xeneral empobina al caltenimientu de la «-b» final de sílaba.
Exemplos:
-bd-: abdicar, abdome, abductor
-bc-: obcecáu
-bs-: absurdu, absolutu, subsidiu, absorber, observar
-bt-: obtusu
-bv-: subvención, obviu
b) Pero piérdese cuando-y sigue una «x» (fonema / s/):
-bx- > -x-: oxetu, suxetu, oxetivu, suxetivu, oxeción, suxuntivu
c) Ha tenese tamién en cuenta que'l prefixu cultu sub-, cuando ye productivu,
pue adautase col prefixu patrimonial so-. Exemplos: sollingual,
sorrayar, somarín, soxéneru, etc.