Gramática - Academia de la Llingua Asturiana

4.5 Adautación de p final de sílaba
Les pallabres cultes que nes llingües d'orixe presenten «p» final de sílaba,
adáutense n'asturianu como sigue:
a) Como norma xeneral, la «p» de fin de sílaba caltiénse:
-pt-: coptu, aptu, polípticu
-ps-: epilepsia, sinopsis, clepsidra
-pn-: hipnosis
b) Pue vocalizase en -u naquellos casos rexistraos na fala:
-ut- ~ -pt-: aceutar o aceptar, adautar o adaptar, cáusula o cápsula,
conceutu o conceptu, esceuto o escepto, ineutu o ineptu,
interceutar o interceptar, preceutu o preceptu, receutor o
receptor
c) Pue vocalizase en -i en casos tamién rexistraos na fala:
-ic- ~ -pc-: aceición o acepción, conceición o concepción, esceición
o escepción, receición o recepción, perceición o percepción,
deceición o decepción
d) Desaníciase regularmente en pallabres como ocalitu, ocalital.
4.6 Adautación de -t final de sílaba y de pallabra
Como norma xeneral, la «-t» final de sílaba de los cultismos caltiénse na
escritura del asturianu escritu. Exemplos:
-tm-: atmósfera
-tn-: etnoloxía
En final de pallabra mantiénse nos llatinismos del tipu hábitat, accésit,
superávit, déficit, pero desaníciase en pallabres como carné, robó, xalé.
4.7 Adautación de -c final de sílaba
Les pallabres cultes que nes llingües orixinaries tienen «-c» final de sílaba,
adáutense como sigue darréu:
a) Como norma de calter xeneral, la «-c» final de sílaba consérvase nel
asturianu escritu. Exemplos:
-cc-: diccionariu, succión, cóccidu, ficción, destrucción, accesu
-ct-: actu, actor, conflictu, secta, vector, tractor, factor, edictu,
hectómetru, néctar
-cd-: sinécdoque
-cn-: arácnidu, acné
IV.
La sílaba
59