Gramática - Academia de la Llingua Asturiana

D'esta miente, escribiránse con «ll-» inicial les pallabres (y los sos derivaos)
d'orixe cultu si asina se recueye na tradición de la llingua. Exemplos:
llaberintu, llabial, llaboral, llaboratoriu, llapiceru, llápiz, llateral, llatín,
llector, llectura, llegal, lleición, llepra, llépara, lletanía, lletricidá (tamién
electricidá), llétricu (tamién eléctricu), llexislar, lliberal, llibertá, llicencia,
llícitu, llicor, llimbu, llinguaxe, llingüística, llinia, llinterna, llira, llíricu,
lliteral, lliteratura, llitru, lliturxa, llonxitú, llotería, lluminaria, lluminosu,
llunar, llustru, llutu, etc.
b) De la mesma manera, escribiránse con «ll-» inicial otros cultismos acoyíos
modernamente, por más que nestos s’almita tamién la escritura con
«l-». Exemplos: lleucemia o leucemia, llicántropu o licántropu, llicéu o
licéu, llocal o local, llocalidá o localidá, llocomotora o locomotora,
llogaritmu o logaritmu, llóxicu o lóxicu, lluxu o luxu, lluxuria o luxuria,
etc.
c) De toes maneres, caltiénse la «l-» orixinaria nestes pallabres: la “nota
musical”; lata “fueya de metal”, que nun se confunde con llata “palu
llargu”; lentu “que va selemente”, que s’opón a llentu “húmedu”; y lentes
“gafes”, que s’estrema de llentes “húmedes”.
d) Tamién s'aconseya caltener con «l-» inicial los nomes xeográficos non
asturianos del tipu: Londres, Libia, Lisboa, Liberia, Lombardía,
Lituania, Lausana, Laconia, Luxemburgu, Letonia, Luisiana, etc.
Pero escribiráse «ll-» (o «ll-») naquellos topónimos que nun siendo alministrativamente
asturianos, tienen una espresión acordies cola so herencia
llingüística: Lleón, L.l.aciana, L.l.umaxu, etc.
4.1.2 ADAUTACIÓN CON -LL- O -L- INTERIORES
Les pallabres d'orixe cultu adáutense n'asturianu con «-ll-» o «-l-» interiores
según los criterios que siguen darréu:
a) Como principiu de calter xeneral, la -l- simple o la -ll- xeminada de los
cultismos llatinos o griegos, adáutense con «-l-» interior n'asturianu.
Exemplos: celebrar, elixir, eleición, eliminar, relixón, milagru, peligru,
coleición, coleutivu, delitu, holograma, melómanu, militar, políticu,
solitariu, televisión, etc.
b) Sicasí, y siguiendo delles tendencies de la llingua, aconséyase escribir
con «-ll-» interior les siguientes pallabres y los sos derivaos: callóndrigu,
rellatu, rellación, apellativu, treslladar, pallabra.
IV.
La sílaba
57