Gramática - Academia de la Llingua Asturiana

Ye d'observar que les lleis combinatories impiden la esistencia del grupu
tl- en principiu de pallabra y de *dl y *zl en cualquier circunstancia.
3.3 Consonantes finales
N'allugamientu final de sílaba, les consonantes del asturianu compórtense
como sigue darréu:
a) En final de sílaba, l'asturianu namái almite los fonemes consonánticos
/-θ/, /-s/ y /- s/, y los archifonemes nasal /-N/, líquidu /-L/ y vibrante /-R/.
Exemplos: mozqueta, lluz, riestra, xueves, pexdegatu, él rux, rinchíu,
campu, falarán, altu, bonal, curtiu, falar.
En pallabres d'orixe cultu puen atopase tamién en final de sílaba los archifonemes
llabial /-B/, dental /-D/ y velar /-G/, representaos respeutivamente
peles lletres p, b; t, d; c, g. Exemplos: aptu, absurdu; atmósfera, admonitoriu;
arácnidu, magnesiu.
b) La /- s/ «-x» namái apaez en fin de sílaba interna en pallabres compuestes
con un primer elementu acabáu nesi fonema (pexdegatu). En
fin de pallabra siempre pue tar siguida de vocal «-e»: él rux o él ruxe,
pex o pexe, viax o viaxe, etc.
3.4 Grupos consonánticos finales
Nel asturianu patrimonial o d'aniciu popular nun esisten grupos consonánticos
nin en final de sílaba nin en final de pallabra. La introducción de
pallabres d'aniciu cultu da llugar a la creación de dellos grupos consonánticos
neses posiciones.
4
Consonantes y grupos consonánticos
nes pallabres d'orixe cultu
La distribución de consonantes na sílaba y la so combinación tien clares
restricciones nel asturianu patrimonial y popular: nel marxe prenuclear
puen apaecer toles consonantes, pero namái dalgunos grupos formaos de
delles oclusives o fricatives más llateral o vibrante; el marxe posnuclear
solamente pue tar ocupáu por /-θ/, /-s/, /- s/ y los archifonemes /-N/, /-L/ y
/-R/, nun siendo posible l'apaición de grupos consonánticos nesta posición.
IV.
La sílaba
55