Gramática - Academia de la Llingua Asturiana

IV.
La sílaba
54
3
espontaneu (pero espontánea, espontáneo, espontáneos, espontánees),
muséu (pero museos), européu (pero europea, europeo, europeos, europees),
etc.
Distribución y combinación
de consonantes na sílaba
A efeutos normativos, nenguna consonante, seya sola o en grupu, nun pue
allugase nel nucleu silábicu, sinón qu'ocupará'l marxe prenuclear o posnuclear.
3.1 Consonantes iniciales
3.1.1 INICIALES DE PALLABRA
Toles consonantes, a nun ser la vibrante simple [r], puen allugase nel principiu
de la pallabra. Exemplos: poxa, tierra, chigre, quesu, boroña, deu,
yelsu, guirriu, fusu, zapicu, sele, xarru, mena, non, ñocla, los, llobu, roxu.
Nes pallabres patrimoniales o d'aniciu popular, la n- inicial alterna davezu
y llibremente cola ñ-, fechu que queda reflexáu na normativa del asturianu
escritu. D'esta manera, nube o ñube, nisu o ñisu, nidiu o ñidiu, nariz o
ñariz, neñu o ñeñu, nabu o ñabu, nieve o ñeve, nata o ñata, nuviellu o
ñuviellu, etc.
3.1.2 INICIALES DE SÍLABA DIENTRO PALLABRA
Nun hai nenguna restricción, pudiendo cualquier consonante asitiase en
principiu de sílaba, mesmamente la vibrante simple: caru. Nun s'atopa l'alternancia
de n y ñ, de mou que caltienen el so valor distintivu: llena / lleña,
cana / caña (anque nuna riestra de casos n y ñ son variantes nun mesmu
vocablu, como en esnalar ~ esñalar). La vibrante múltiple [r - ] ye obligada
tres de s, l y n: esreñonar, alredor, enriba.
3.2 Grupos consonánticos iniciales de sílaba
Los grupos consonánticos que l'asturianu almite en principiu de sílaba son
los siguientes: pl, tl, cl, bl, gl, fl, pr, tr, cr, br, dr, gr, fr, zr. Exemplos: plepa,
copla, atleta, claviya, yuncla, blancu, granible, glayar, sieglu, flaire,
moflu, prindar, apradiar, trabe, lletra, cruz, escritu, braña, cabruñar, drechu,
cadril, grande, agriu, frayar, esfronar, zreza, alcazre.