Gramática - Academia de la Llingua Asturiana

Los fonemes /r/ y /r- / nun s'oponen nestes posiciones: en principiu de pallabra;
en final de sílaba o de pallabra; nos grupos pr, tr, cr, br, dr, gr y zr; y
tres l, n y s. D'ello resulta l'archifonema vibrante /R/.
L'archifonema /R/ ofrez dos pronunciaciones estremaes: [r- ] múltiple (rede,
Rañeces, alredor, enrestrar, esriñonó), [r] simple (prau, trabe, creyer,
branu, cuadru, groma, zreza) o indistintamente dambes (artu, falar).
2
Ortografía de les consonantes
El fechu de que nun heba una correspondencia perfeuta ente los fonemes
consonánticos y la so representación escrita ye causa de dellos problemes
ortográficos. Darréu trátense los más importantes.
2.1 Lletres «c» y «qu»
La lletra «c» y el dígrafu «qu» escríbense acordies coles siguientes normes:
a) Lletra «c».
La lletra «c» representa'l fonema consonánticu /k/:
- Cuando-y siguen les vocales «a», «o», «u» (caxa, moca, combayar,
encoyer, cubil, furacu).
- Cuando s'atopa nos grupos «cl» o «cr» (clisar, clas, creitu, crime).
b) Dígrafu «qu».
El dígrafu «qu» representa siempre'l fonema consonánticu /k/.
Emplégase namái ante les vocales «e», «i», como por exemplu: él quier,
quexase, merqué, toquíu, Quirós.
Cuando la conxunción que s'apostrofa ante pallabra entamada en vocal, el
dígrafu «qu» pue atopase ante otres vocales o ante «h»: dixo qu'amburó,
paezme qu'informaron mal, diz qu'orbaya, ye verdá qu'unviaron cartes, la
finca qu'heredasti.
2.2 Lletres «b» y «v»
Entrambes lletres representen el mesmu fonema /b/. L'usu normativu de
«b» o de «v» atiénse a dellos criterios estremaos:
a) Escríbese «b»
III.
Les consonantes
43