Gramática - Academia de la Llingua Asturiana

III.
Les consonantes
42
1.16 Fonema /l/
El fonema /l/, realizáu como líquidu llateral alveolar sonoru, ye representáu
cola lletra «l». Exemplos: la velea, filu, ralu, xúbesla.
1.17 Fonema /l/
El fonema /l/, realizáu como líquidu llateral palatal sonoru, represéntase
col dígrafu «ll». Exemplos: castiellu, Llaviana, lluna, pesllar.
Los fonemes /l/ y /l/ neutralícense en final de sílaba o de pallabra; y nos
grupos pl, tl, cl, bl, gl y fl. Nestes posiciones los dos fonemes llaterales
pierden toa posibilidá d'oponese distintivamente. Trátase, entós, del archifonema
llateral /L/.
L'archifonema /L/ ofrez estremaes pronunciaciones, acordies col calter
fonéticu de la consonante que tea nel so entornu:
a) [l.] interdental cuando-y sigue una consonante interdental [θ]: calce,
alzar, el centru, el zarru.
b) [l] dental si-y sigue una consonante dental [t] o [d]: altu, el texu, coldu,
el deu.
c) [l] alveolar cuando-y sigue una consonante alveolar [s], [n], [l] o [r- ];
una llabial [p], [b], [f] o [m]; o una velar [k] o [g–]: bulsia, el sentíu, valnos,
mil neños, el lentu, alredor, mal repetíu, apalpar, el puxu, malvís,
el vasar, refalfiu, sal fino, alma, él maxina, calcar, mal caráuter, xulgar,
el gatu. Tamién se realiza alveolar en grupu consonánticu: achaplar,
atleta, claustru, blanca, glayar, floxu.
d) [l] palatal cuando-y sigue una consonante palatar [ĉ], [y], [ s], [n] o
[l]: colcha, el chinu, el yerbatu, álxebra, el xabón, el ñuedu, mal lladrón.
1.18 Fonema /r/
El fonema /r/, realizáu como líquidu vibrante alveolar sonoru simple,
represéntase cola lletra «r». Exemplos: faru, xarabal, hora.
1.19 Fonema /r- /
El fonema /r- /, realizáu como líquidu vibrante alveolar sonoru múltiple,
represéntase siempre per aciu del dígrafu «rr». Exemplos: perru, xorra,
horru, sarriu, xarru.