Gramática - Academia de la Llingua Asturiana

1.15 Fonema /n/
El fonema /n/, realizáu como nasal palatal sonoru, escríbese per aciu de la
lletra «ñ». Exemplos: ñuedu, perñidiu, frañir, lleña, señardá, lloñe.
Los fonemes /m/, /n/ y /n/ neutralícense en final de sílaba, de lo que resulta
l'archifonema nasal /N/. Nesta posición nunca se da oposición distintiva
ente los tres fonemes nasales.
L'archifonema /N/ realízase d'estremaes maneres, acordies col contestu
fónicu impuestu pola consonante que s'atopa depués:
a) [m] billabial cuando-y sigue una consonante billabial [p], [b] o [m]:
campu, falen poco, llombu, merquen berces, enmarcar, con mazanes.
b) [m ] llabiodental cuando-y sigue una consonante llabiodental [f]: enfotase,
en Francia.
c) [n.] interdental cuando-y sigue una consonante interdental [θ]: encesu,
enzafarnar, en cielu.
d) [n ] dental cuando-y sigue una consonante dental [t] o [d]: llentu, en
Tarna, pandu, falen danés.
e) [n] alveolar cuando-y sigue una consonante alveolar [s], [n], [l] o [r- ]:
cansáu, faen sopa, ennialar, cien neños, déxenlo, con libaneses, enrestrar,
tan roxa.
f) [n] palatal cuando-y sigue una consonante palatal [ĉ], [y], [ s], [n] o [l]:
enchipase, nun chisques, cuenya, echen yelsu, enxaguar, beben xarraos,
enñerar, comen ñisos, enllordiar, en Llugones.
g) [ŋ] velar cuando-y sigue una consonante velar [k] o [g–]: concu, baillen
curioso, llongu, nun ganes. Tamién, en final de pallabra ante vocal o
ante final absolutu: son hermanos, faen armarios, tán allegres, con
orbayu, que xuban.
Nestos casos —a nun ser nel últimu— obsérvase que la fala tien l'enclín a
acompañar les pronunciaciones mentaes d'una [ŋ] velar precedente: [ŋm],
[ŋm ], [ŋn], etcétera.
Nes secuencies iniciales de pallabra formaes por /e/ + /N/ + consonante,
suel nun s'articular la vocal. Asina, entós, encetar, embruxar puen pronunciase,
respeutivamente, [e.n]tós, [e.n.]cetar y [e.m]bruxar, pero tamién [n]tós,
[n.]cetar y [m]bruxar.
III.
Les consonantes
41