Gramática - Academia de la Llingua Asturiana

III.
Les consonantes
40
a) [s] alveolar sorda:
- Cuando s'atopa en principiu de sílaba: semar, llosa.
- En final de sílaba o de pallabra, cuando nun-y sigue nin /t/, nin
/θ/, nin una consonante sonora: gaspia, tres chaples, foscu, desfacer.
b) [z] alveolar sonora: al final de sílaba o de pallabra, cuando-y sigue una
consonante sonora que nun seya /d/. Exemplos: achisbar, fisgar, fáigolos
yo, mesmu, rosnar, esñidiar, esllava, vesla, los roxos.
c) [s ] dental sorda: en final de sílaba o de pallabra, cuando-y sigue /t/ o
/θ/. Exemplos: pastia, los traxes, les ceyes.
d) [z ] dental sonora: en final de sílaba o de pallabra, cuando-y sigue /d/.
Exemplos: desdexase, los drechos.
Fonéticamente tamién ye posible una realización líquida ensin sofitu
vocálicu especialmente na secuencia inicial de pallabra es- + consonante,
como en esbariar, esñidiar, escaecer, estisoriar, etc.
1.12 Fonema / s/
El fonema xiblante / s/, realizáu como fricativu palatal sordu o sonoru, represéntase
na ortografía per aciu de la lletra «x». Tien dos pronunciaciones
estremaes:
a) [ s] sorda:
- Cuando s'alcuentra en principiu de sílaba (nesti allugamientu
pue realizase como [ s] o como [ sj]): xatu, caxa.
- En final de sílaba o de pallabra, cuando-y sigue una consonante
sorda. Exemplos: viax curtiu, pex frito.
b) [ z] sonora: en final de sílaba o de pallabra, cuando-y sigue una consonante
sonora. Exemplos: pexdegatu, potax bono, Box nun quier.
1.13 Fonema /m/
El fonema /m/, realizáu como nasal billabial sonoru, represéntase per aciu
de la lletra «m». Exemplos: mariellu, moyar, amormiyase.
1.14 Fonema /n/
El fonema /n/, realizáu como nasal alveolar sonoru, escríbese na ortografía
común como «n». Exemplos: zuna, xunir.