Gramática - Academia de la Llingua Asturiana

- Cuando s'asitia al comienzu de pallabra (o d'enunciáu) tres
d'una pausa.
- Cuando va precedíu del archifonema llateral /L/, del archifonema
nasal /N/, del archifonema vibrante /R/, del fonema /s/, del
fonema /θ/ y del fonema / s/ dientro o non d'una mesma pallabra.
Exemplos: dalguién, el gatu, llargu, fungar, un gatu, facer
goxes, esguedeyar, los glayíos, paez grande, pex grande.
- Cuando s'atopa ente vocales, dientro o non d'una mesma pallabra:
mugor, esta goxa.
- Nos grupos gr, gl ente vocales, seya dientro d'una mesma pallabra
o non: allegre, la griesca, sieglu, esti glayíu.
Los fonemes /k/ y /g/ neutralícense en final de sílaba, resultando d'ello l'archifonema
velar /G/: arácnidu, magnesiu.
1.9 Fonema /f/
El fonema /f/, realizáu como llabiodental o billabial fricativu sordu, represéntase
na escritura per aciu de la lletra «f». Exemplos: furacu, cafiar, flaire,
inflar, frayar, esfronar, atmósfera, naftalina.
1.10 Fonema /θ/
El fonema /θ/, realizáu como interdental fricativu sordu o sonoru, ye
representáu na ortografía per aciu de les lletres «c» ante e, i, y «z» ante a,
o, u. Les sos realizaciones fonétiques son:
a) [z.] sonora en final de sílaba o de pallabra cuando-y sigue una consonante
sonora. Exemplos: merez besos, diz dos, pazguatu, paz yá, xorrez
menos, cruz nueva, amanez ñublo, aguapez la casa, paez llargu, paez
roxa.
b) [θ] sorda nel restu de los casos: zarrar, cenoyu, zreza, llazu, la ceya,
alcazre, la zrezal, esmuzte, cozcar, voz falsa, dizse, conoz xente.
1.11 Fonema /s/
El fonema xiblante /s/, realizáu como fricativa alveolar o dental sorda o
sonora, represéntase ortográficamente pela lletra «s».
Presenta diverses realizaciones fonétiques, toes elles apicales y dependiendo
del contestu:
III.
Les consonantes
39