Gramática - Academia de la Llingua Asturiana

XXV.
Oración
compuesta
y oración
complexa
388
cuando nun ye una oración axetiva, sinón alverbial con función de complementu
circunstancial de conteníu temporal dientro la oración principal:
cuando se casaron hebo una seca tremenda, eso foi cuando tabes nel hospital.
Nestes circunstancies, si cuando va precedíu de preposición, ye pa matizar
el conteníu temporal de la oración alverbial, pero non pa camuda-y la
función de complementu circunstancial: eso habrá que lo dexar pa cuando
se casen, aguardaremos hasta cuando entame a nevar.
En delles ocasiones, la oración encabezada por cuando nun resulta alverbial,
sinón sustantiva: cuando se casaron foi un añu d'una seca tremenda
(suxetu léxicu), el pá d'Anxela quéxase de cuando tais faciendo ruíu
(suplementu).
2.3 Oraciones trespuestes alverbiales
2.3.1 ORACIONES ALVERBIALES
Un verbu (esto ye, una oración) pue tresformase nun alverbiu y asina ser
a exercer la función de complementu circunstancial. Esta tresposición llógrase,
en primer llugar, gracies a toa una riestra de conxunciones subordinatives.
Acordies col conteníu aportáu pola conxunción, les oraciones
trespuestes puen ser:
- De llugar: posa'l sacu onde tea seco, escuéndite u puedas.
- Temporales: mientres que yo llendo les vaques ella salla les pataques, en
cuantes que la vi díxi-ylo, corrí pa so casa namás que paró de llover,
malpenes se llevantó púnxose a trabayar, nun tengo noticies d'ellos desque
se casó Llucía, de magar sabe asturianu présta-y más falar cola
xente.
- Modales: según escribes va cansate la mano.
- Causales: darréu que yes nacíu en Ribesella sabrás coses de la mar.
- Finales: presentóse nel ayuntamientu al envís de que lu inscribieran.
- Condicionales: si te paez díces-y que venga, nun van venir per equí a
menos que-yos dean disculpes.
- Concesives: nun te van facer casu anque te disculpes, magar que tien
pallabres céltiques l'asturianu ye un idioma llatín.
Como se ve, tienen valor de trespositores alverbiales dellos relativos: atoparon
nicios del crime onde dicíen los testigos, sentáronse u pudieron,
facéilo como vos paeza, cuando atapeza dexái les xeres.