Gramática - Academia de la Llingua Asturiana

1
Oración compuesta
y oración
complexa
Oración compuesta
XXV
Llámase oración compuesta a aquella que ta formada pola combinación de
dos o más oraciones yustapuestes o coordinaes al mesmu nivel xerárquicu.
1.1 Oraciones yustapuestes
Son aquelles que, en sucesión unes con otres, formen un enunciáu unitariu
enllazándose ente sí non per medios léxicos (conxunciones), sinón per
pauses llixeres. Exemplos: yo falaba, ellos callaben; diba a la escombrera,
paliaba daqué de carbón, volvía con un sacáu al costazu.
Hai casos en qu'una oración yustapónse a otra non de manera sucesiva,
sinón insertándose a mou d'incisu: lo meyor ye qu'estudies, paezme a min,
lo que quieras; taba namoráu, dicíen les males llingües, d'una muyer que
lu despreciaba.
En delles ocasiones, la yustaposición d'oraciones vien reforzada semánticamente
pola presencia d'un alverbiu de xuntura: mañana ye fiesta: poro,
nun vamos trabayar; esa película entá nun la ví: sicasí, contáronmela
entera.
Esiste tamién una mena de yustaposición onde la segunda oración, encabezada
polos axetivos tantu -a -o, tal ~ talu tala talo o polos alverbios
tanto, tan o asina, vien a espresar una consecuencia respeuto de la primera:
taba bramente galdíu: tantes hores tuviera trabayando; recordábala a
toles hores: tanto la quixera; nun pudi comer un plizcu más: tan fartucu
quedé; tolo que tien repártelo: asina d'arrogante ye.
1.2 Oraciones coordinaes
Nes oraciones coordinaes, l'enunciáu unitariu llógrase con una sucesión de
dos o más oraciones simples que s'enllacen per aciu d'elementos léxicos,
que son les conxunciones coordinatives o conectores: les copulatives y ~
XXV.
Oración
compuesta
y oración
complexa
381