Gramática - Academia de la Llingua Asturiana

XXIV.
Les oraciones
atributives
380
llibrería perdiólo; trabáyalo (güesu) bien esi artesanu; échalo (lleña) al
fueu.
- Con referencia a otros elementos nominales neutros: fumar dexólo cuantayá;
que se diere priesa encamenté-ylo bien de veces; nun lo sabe
naide (ónde atroparon tantu dineru); díxolo tou seguru: "equí s'escuenden";
lo nuevo viéndenlo'l mes que vien; súpilo pel periódicu (lo de
Xuacu); lo que-yos sobra danlo a los probes; lo de que nun quies pagar
la entrada cúntes-ylo al porteru; eso díxitelo yo y nun me fixisti casu; si
nun vieno con ello acabao, yá lo acabará mañana; ¡cuánto-yos quitaron
ensin devolvé-yoslo!; too lo tresmanó acabante entrar na secretaría;
si yes fatu o llistu sábeslo tu; ú van llevalos naide lo sabe; entrugómelo
de sutrucu: "¿yes de Quirós o de Teberga?"; "arrivederci"
dícenlo los italianos.
- Con referencia a daqué impreciso o xenérico: pasélo permal pente aquella
llamuerga, esa parexa de mozos dexólo va dellos meses.
4.1.3 ATRIBUTU EN REFERENCIA CONTESTUAL A TÉRMINOS NEUTROS
L'atributu pue apaecer en xéneru neutru por facer referencia a un términu
presente en contestu, pero non esplicitáu na oración en forma de suxetu
léxicu. Exemplos: yera bien caro fai tiempu (la ropa), mercámoslo fino (la
fariña), ye mui típico de Velo (lo de nun ser puntual), yera mui cenciello
(calcular los costos), yera sabío (que la diben engañar).
4.1.4 ATRIBUTU EN REFERENCIA IMPRECISA O XENÉRICA
Otres vegaes, l'atributu apaez en neutru por facer una referencia imprecisa
o xenérica a daqué esplicitao o non nel contestu. Exemplos: nun salgas
de casa, que güei ta malo; nun sigas falando, que quedó claro; la verdá
ye que tenémoslo gafo; paecióme fato, pero púnxose a llorar; diben, veníen,
xubíen, baxaben... yera bramente movío; ta pesllao (falando d'un
comerciu); val más nun salir, porque ta tapecío; por más que toquen música,
ta aburrío; sí, hom, sí que ta fastidiao; ta perro, pero hai que tirar p'alantre,
etc.