Gramática - Academia de la Llingua Asturiana

I) SECUENCIES LO DE QUE + ORACIÓN
Y LO DE + INTERROGATIVU + ORACIÓN
Trátase d'una oración trespuesta a sustantivu pola conxunción que o por un
interrogativu, qu'al empar axetívase per aciu de la preposición de y faise
de nueves sustantivu pol artículu neutru lo. El conxuntu concuerda en neutru.
Exemplu: lo de que tolos homes son iguales ye guapo, pero nun se
cumple; lo de que se casen tan mozos nun resulta estraño; lo de cuántos
años tien ye misterioso dafechu; lo d'ónde s'escondió sábenlo hasta los
neños.
J) ORACIONES SUSTANTIVAES POR QUE, SI
O INTERROGATIVOS TÓNICOS
Una oración trespuesta a sustantivu, cuando fai de suxetu léxicu impón
concordancia neutra nun atributu.
• Oraciones sustantivaes por que:
Exemplos: que fumes peles mañanes ye malo, que diben engañala taba
sabío, ¡qué guapo que te dean trabayu!
• Oraciones sustantivaes por si completivu:
Exemplos: nun ta claro si a eses hores taben en casa; si yes fatu o llistu
sábeslo tu; si tuvo bien fecho o non, ta yá escaecío.
• Oraciones sustantivaes por interrogativos tónicos: Exemplos: ye
raro per ónde diaños s'escondió; por qué nun gorgutaron, paezme bramente
ridículo; cómo llogró pasar la frontera ye bien misterioso.
K) REFERENCIES METALLINGÜÍSTIQUES
Cualquier elementu trespuestu a sustantivu, perteneciente o non a esa categoría,
esixe neutru nun axetivu atributivu. Exemplos: "teléfano" ta mal
dicho; "hemos cantado" abúlta-y perfino.
4.1.2 REFERENTE ÁTONU LO
El pronome átonu lo (opuestu al masculín lu y al femenín la) acompaña a
un verbu cuando se refier a un complementu direutu (la lleche bebílo) y al
alverbiu interrogativu ú (mira la lleche; —¿úlo?) nos casos que siguen
darréu:
- Con referencia a un sustantivu non cuntable: el xelu metílo en frigoríficu;
la forgaxa recoyílo y tirélo a la basura; trayéilo nestes bolsines (la
comida); esti fumu, ¿aguánteslo o nun lo aguantes?; ¿úlo? (la xente);
cárguenlo (piedra) pa empedriar places na ciudá; el papel que mercó na
XXIV.
Les oraciones
atributives
379