Gramática - Academia de la Llingua Asturiana

1.3 Fonema /ĉ/
El fonema /ĉ/, realizáu como prepalatal africáu sordu, represéntase na
ortografía per aciu del dígrafu «ch». Exemplos: chancia, parrocha, lleche,
concha.
1.4 Fonema /k/
El fonema /k/, realizáu como velar oclusivu sordu, represéntase per aciu
de les lletres «c», «qu» y «k». Exemplos: caxa, moca, creyer, azucre,
clavu, ancla, quesu, kilómetru o quilómetru.
1.5 Fonema /b/
El fonema /b/, realizáu como billabial oclusivu o fricativu sonoru, represéntase
na escritura coles lletres «b» y «v». Ofrez dos pronunciaciones
distintes:
a) [b] oclusiva:
- Cuando s'atopa en principiu de pallabra o d'enunciáu tres d'una
pausa.
- Cuando va precedíu del archifonema nasal /N/, dientro o non
d'una mesma pallabra. Exemplos: llombu, unviar, un bolu.
b) [b¯ ] fricativa:
- Cuando s'alcuentra ente vocales, dientro o non d'una mesma
pallabra: cebera, llavar, añu bonu.
- Nos grupos br, bl ente vocales, seya dientro d'una mesma pallabra
o non: cabra, xiblar, esta bruxa, la blanca.
- Cuando va precedíu, dientro o non de la mesma pallabra, de
cualquier consonante que nun seya l'archifonema nasal /N/.
Exemplos: malvís, erbía, falar bien, figal bona, cortar blimes,
conoz Bueres, les botes, pex bono.
Los fonemes /p/ y /b/ neutralícense cuando apaecen en final de sílaba,
resultando d'ello l'archifonema llabial /B/: aptu, absurdu.
1.6 Fonema /d/
El fonema /d/, realizáu como dental o interdental oclusivu o fricativu sonoru,
represéntase per escrito cola lletra «d». Tien dos realizaciones fonétiques
estremaes:
III.
Les consonantes
37