Gramática - Academia de la Llingua Asturiana

es, nun sabes pa ú te lleven, quiero informame de cuándo nos fadrán
xusticia, daráste cuenta de cómo vos traten nesti sitiu, nun m'acuerdo
de cuánto te debo.
- Nes oraciones trespuestes a axetivu polos relativos. Exemplos: esa ye la
muyer que lu alloquez, el sitiu onde me dexó l'autobús yera un folleru,
Peñamea foi'l monte au se perdieron, l'añu cuando los llicenciaron quedaron
ensin trabayu.
- Nes oraciones trespuestes a alverbios por relativos ensin antecedente y
por otros medios. Nesti casu tán les oraciones condicionales, les de llugar,
les temporales, les modales, les concesives, etc. Exemplos: díces-
-ylo si te paez; voi dexar les caxes onde me les dexó Pedru; el rapacín
antroxa cuando nos ve; facíalo como-y petaba; poníen el discu cuando-
-yos apetecía; plizcábense mentes-yos falaba la güela; magar que m'enfoto
nella, faime bien pocu casu; siempre que-y lo recuerdo, esfaragúyase
de risa; Mederu echó a correr llueu que lu vio.
De toes maneres, obsérvase que delles vegaes son posibles enclisis con
que y porque, cuando lo esperable ye la proclisis. Xeneralmente, la posposición
del pronome produzse pola esistencia d'una pausa manifiesta
depués de que. Exemplos: ye que me molestaba enforma o ye que molestábame
enforma; detuviéronlu porque lu garraron robando o detuviéronlu
porque garráronlu robando; fáiseme que ta lloca porque la vi falando
sola o porque vila falando sola; agora doime cuenta de que lo fixi mal o
de que fíxilo mal. Lo mesmo s'observa con anque: anque lo merez poco,
llámenlu señor o anque merezlo poco...
b) Allugamientu preverbal con dellos indefiníos y alverbios.
L'allugamientu preverbal de dellos indefiníos y alverbios, que darréu s'especifiquen,
produz la proclisis del pronome átonu.
- Proclisis pola negación nun. Exemplos: Xuan nun-yos da mazanes a los
neños, ¿nun vos falé d'esi casu tan célebre, nun me paez que vos lo dixere
mal, nun lo quiera Dios, ¡nun te llevantaras tan tarde! Lo mesmo
asocede cola conxunción negativa nin: nin lu veo nin-y digo nada, nin
les convenció nin-yos dio argumentos.
- Proclisis por allugamientu preverbal d'otros indefiníos y alverbios de
conteníu negativu. Exemplos: nengún falambaldre (nun) me diz a min
cómo hai que facer esto, a naide (nun)-y dixeron la verdá, nunca (nun)
-y faigas el mal, enxamás te negaron agospiu, malapenes se movía'l probín,
María tampoco-yos lo dixo.
XXIII.
La oración
y les funciones
oracionales
365