Gramática - Academia de la Llingua Asturiana

1
La oración
y les funciones
oracionales
L’enunciáu
1.1 Carauterístiques funcionales
Ye enunciáu cualquier estructura constituida por sintagmes que, nuna
situación dada, supón una comunicación llingüística completa, ye dicir,
que supón una información que s'ufre como respuesta adecuada a lo implícito
y consabío nun concretu entornu, situación o fechu de fala. La oración,
pel so llau, ye un desendolcu posible ente les diverses manifestaciones
que tien l'enunciáu.
Tou enunciáu ta dotáu de dos dimensiones:
- La dimensión suprasegmental: el signu entonativu o curva d'entonación,
que se produz al empar que la sucesión de signos y sintagmes, pero
sobrepuesta a ella.
- La dimensión sintagmática o segmental: sucesión de signos y sintagmes
con significante y significáu (1ª articulación), formáu esti por sucesiones
d'unidaes fonolóxiques o fonemes (2ª articulación).
1.1.1 SIGNU ENTONATIVU
XXIII
El signu entonativu ta dotáu —como tolos signos llingüísticos— d'espresión
(significante) y conteníu (significáu). La so espresión ye la curva
d'entonación, y especialmente la so parte cabera; el so conteníu ye'l que
s'asocia, en cada casu, a les estremaes configuraciones de la curva entonativa
(aserción, entruga, esclamación).
Na parte cabera de la curva entonativa, llamada tonema, ye onde s'atopa la
parte significativa del signu entonativu. Acordies cola so configuración,
estrémense estos tonemes: cadencia (sen descendente), semicadencia (sen
semidescendente), anticadencia (sen ascendente), semianticadencia (sen
semiascendente) y suspensión (sen horizontal).
Acordies colo anterior, estrémense les menes d'enunciaos que siguen
darréu:
XXIII.
La oración
y les funciones
oracionales
345