Gramática - Academia de la Llingua Asturiana

XXII.
El grupu
nominal
344
- Categoría alverbial. Exemplos (función de complementu circunstancial):
les cartes unviáronles el mes pasáu, el día que vos aconceyéis van tar
pesllaes les oficines, fáigalo quien lo faiga ha tar acabao mañana, recitó
los poemes de manera enforma prestosa.
4.1 Locuciones prepositives
Constitúin grupos interdependientes los sintagmes formaos por una locución
prepositiva siguida d'un elementu nominal, que pue ser un sustantivu
o cualquier elementu sustantiváu, ente los que s'atopen les oraciones trespuestes
a sustantivu pola conxunción que. Ye'l casu d'espresiones como les
qu'apaecen nestos exemplos: en cuenta d'eso fizo lo otro, tocaron a razón
de tres mil pesetes per persona, conveciéronlu a fuerza de mete-y mieu, la
bébora queda a cuenta d'elles, únvia-y saludos de parte de Raquel, consiguió
trabayu gracies a Xuan, anda siempre al rau de lo que diz l'hermanu,
etc. Ver XIX.6.
4.2 Grupu alverbial de sustantivu y axetivu
Son tamién grupos interdependientes los sintagmes alverbializaos en función
de complementu circunstancial, formaos por un sustantivu y un axetivu
(que pue ser una oración axetivada). Exemplos: esos llibros llegaron
el mes pasáu, vémonos la selmana que vien, marchen el segundu día d'avientu.
4.3 Oraciones consecutives
Un casu específicu d'interdependencia son les oraciones consecutives (ver
XXV.2.3.3), nes qu'un sustantivu o axetivu tantu -a -o o tal(u) -a -o, o bien
un alverbiu tanto o tan, entra en solidaridá con una oración trespuesta por
que: pagaron tantu dineru que nun-yos quedaron aforros, Xuan fala tanto
qu'amoria a tol mundu, etc.