Gramática - Academia de la Llingua Asturiana

sacos, delles veces éntra-y el sueñu); pero, per otru llau, almiten la llamada
construcción partitiva: tenía dalgunos de sacos, delles de veces éntray
el sueñu.
Amuesen un conteníu asemeyáu al partitivu les construcciones con nucleu
neutru: dalgo (de) sal, dello (de) lleche, daqué (de) dineru, nada (de)
pación.
Son tamién corrientes les construcciones partitives onde un interrogativu
entra en rellación con un sintagma axetivu xebráu d'él y precedíu de la preposición
de: ¿qué vos prestó más de lo que dixo la conseyera?, nun
recuerden qué-yos dixo'l médicu de bono, ¿a quién-y entrugasti de los
escolinos?, ¿cuálo te prestó menos del conciertu?, ¿cómo s'atoparon de
bien?, ¿cuántos atoparon de los nuevos?, llama a les emplegaes y entrúgayos
cuántes quieren quedar d'Uviéu. Sicasí, dambos sintagmes puen apaecer
xuntos ún col otru: ¿qué de lo que dixo la conseyera vos prestó más?,
nun recuerden qué de bono-yos dixo'l médicu, ¿a quién de los escolinos-y
entrugasti?, ¿cuálo del conciertu te prestó menos?, ¿cómu de bien s'atoparon?,
¿cuántos de los nuevos atoparon?, llama a les emplegaes y entrúga-yos
cuántes d'Uviéu quieren quedar.
3
Combinación nel grupu nominal
3.1 Carauterístiques del grupu combináu
La combinación ye una rellación que s'establez dientro'l grupu sintagmáticu
nominal ente dos o más términos ensin dependencia ente ellos. Una
carauterística de la combinación ye que se produz ente términos n'igualdá
de funciones: saludé al pá y al fíu (complementu direutu), tuviemos en
Tinéu y en Miranda (complementu circunstancial). Otra carauterística ye
que tán n'igualdá de categoríes: saludé al pá y al fíu (sustantivos), paez
calláu y prudente (axetivos), fízolo apriesa y mal (alverbios). La categoría
y les posibilidaes funcionales del grupu son les compartíes polos términos
componentes.
Sobre la combinación d'oraciones, ver XXV.1.
3.2 Yustaposición, coordinación y aposición
La combinación pue realizase per aciu de delles víes.
XXII.
El grupu
nominal
341