Gramática - Academia de la Llingua Asturiana

6
Encurtiamientu y allargamientu
de pallabres
6.1 Encurtiamientu de pallabres
Otra fonte de creación léxica ye l'encurtiamientu, que consiste na supresión
d'un segmentu de pallabra, calteniendo ésta tola so funcionalidá. Si lo
que s'encurtia ye un segmentu final, trátase d'una apócope; si ye un segmentu
inicial, llámase aféresis. Davezu, pero non siempre, estes nueves
formaciones pertenecen al emplegu coloquial de la llingua.
Exemplos d'apócopes en sustantivos: automóvil ’ auto, fotografía ’ foto,
Llucía ’ Lluci, y coloquiales como bicicleta ’ bici, señorita ’ seño, televisión
’ tele. Siempre ante otru sustantivu: casa ’ ca, fraile ’ frai, santu
’ san. El sustantivu mano apocópase nes espresiones mandrecha y manzorga.
L’apócope de los sustantivos home y neña rellaciónase coles interxeiciones
ho ~ hom y ne.
Dellos axetivos apocópense ante sustantivu: grande ’ gran, postreru y
postrera ’ postrer, primeru y primera ’ primer, terceru y tercera ’ tercer.
L'apócope d'otros axetivos ye opcional y va lligáu, pero non siempre,
a un cambiu de rexistru coloquial: prestosu ’ presto ~ pres, primeru ’
prime, segundu ’ segu, socarrón ’ soca, terceru ’ terce. N’alverbios:
pasao mañana ’ pasao, tanto ’ tan.
Exemplos d'aféresis: Anxelu ’ Xelu, bochornosu ’ chornosu, bochornu ’
chornu, Marcelino ’ Lino, Elena ’ Lena, nenín nenina ’ nin nina.
6.2 Allargamientu de pallabres
Estrémese tres frasques d'allargamientu: la prótesis, que consiste n'amestar
soníos al principiu de la pallabra; la epéntesis, que ye l'insertamientu
de soníos metanes la pallabra; y la paragoxe, que consiste n'amestar soníos
al final de la pallabra.
En bien d'ocasiones produzse prótesis de a- y en- ~ em-, que, cuando nun
aporten nengún significáu, nun tienen valor de prefixu. Exemplos: topar ~
atopar, reventar ~ arreventar, fabada ~ enfabada, baraxar ~ embaraxar.
Sicasí, han evitase na escritura espresiones como *arradio, *afoto,
*amoto, que namái almiten como formes válides radio, foto, moto.
Nuna riestra de casos, los fenómenos d'epéntesis y de paragoxe tienen
reflexu na llingua escrita: azucre ~ azúcare, árbol ~ árbole, castellán ~ cas-
XXI.
Derivación
y composición
315