Gramática - Academia de la Llingua Asturiana

XXI.
Derivación
y composición
312
5
Parasíntesis
La parasíntesis consiste en formar nueves pallabres valiéndose al empar de
dos procedimientos de los yá mentaos. Poro, puen crease pallabres parasintétiques
pola amestadura simultánea d'un prefixu y d'un sufixu, o por
emplegar al empar la composición de pallabres y l'afixación.
5.1 Amestadura de prefixu y sufixu
Delles nueves pallabres surden por amestase simultáneamente a un lexema
un prefixu y un sufixu; por exemplu, del sustantivu guedeya créase'l
verbu en-guedey-ar. Convién nun confundir les pallabres parasintétiques
colos derivaos sufixaos de pallabres con prefixu. Nel casu d'enguedeyar
nun se pue prescindir de nengún de dambos afixos, de mou que nun esiste
*la enguedeya nin *guedeyar. Pero, pela so parte, en per-blanqu-ín nun
hai parasíntesis, pues nun ye más que perblancu con sufixu diminutivu
-ín, o bien blanquín col prefixu per-.
Darréu descríbense les principales modalidaes de parasíntesis de dos afixos:
PREFIXU A-, SUFIXU -AR ~-IAR
Ye un procedimientu abondo usáu pa formar verbos dende sustantivos,
axetivos o alverbios. Exemplos: bichu ’ abichar, cerca ’ acercar, claru
’ aclarar ~ aclariar, conceyu ’ aconceyar, dientro ’ adientrar, furacu ’
afuracar, fame ’ afamiar, fatu ’ afatar, flacu ’ aflacar ~ aflaquiar, furacu
’ afuracar, grande ’ agrandar, guapu ’ aguapar ~ aguapiar, güevu
’ agüevar, home ’ ahomar, llargu ’ allargar, llocu ’ allocar, lloñe ’
alloñar, murniu ’ amurniar, neciu ’ aneciar, pandu ’ apandar ~ apandiar,
redondu ’ arredondar ~ arredondiar, roxu ’ arroxar, sele ’ aselar,
tontu ’ atontar.
Nestos casos nun ha confundise'l prefixu a- cola a- protética que, ensin
apartar nengún significáu, apaez en baliar ~ abaliar, bastar ~ abastar,
columbrar ~ acolumbrar, combayar ~ acombayar, coxicar ~ acoxicar, falagar
~ afalagar, fuxir ~ afuxir, pregonar ~ apregonar, sonsañar ~ asonsañar,
xuntar ~ axuntar, etc.
PREFIXU A-, SUFIXU -ECER
Emplégase davezu pa formar verbos dende axetivos. Exemplos: blandiu ’
ablandecer, bobu ’ abobecer, guapu ’ aguapecer, flacu ’ aflaquecer,
finu ’ afinecer, llocu ’ alloquecer, malu ’ amalecer, muertu ’ amorte-