Gramática - Academia de la Llingua Asturiana

XXI.
Derivación
y composición
310
ALVERBIU + VERBU
Exemplos: malaconseyar, malparir, malquerer, malvender.
ALVERBIU + LOCUCIÓN ALVERBIAL
Exemplos: mal a gustu, mal a mano.
VERBU + (CONXUNCIÓN)+ VERBU
Exemplos: cueyeivacia, vaivién.
VERBU + SUSTANTIVU
Exemplos: abrechaples, afuega'l pitu, cortanarices, cuentacuentos,
escuernacabra, espantapastores, espantapáxaros, furabollos, furacapinos,
gritagüeyos, guardamontes, guardarríos, llambeculos, llavaculos, llavamanes,
llevantallámpares, matapioyos, matapulgues, metepates, picaculos,
picafayes, picatueru, recudeplatos, sacagrapes, sacagüeyos, sacaperres,
sacasueles, saltapraos, temblarraos, tentemozu, tornabarros, tornarruedes,
ensugamanes, xingalráu, zarrapollera.
VERBU + ALVERBIU
Exemplu: falambaldre.
4.2 Adautación de les unidaes componentes: raíces afixes
Una forma peculiar de composición ye aquella na qu'ún de los lexemes (o
los dos) cueye carauterístiques propies d'un afixu. Trátase de lexemes que
funcionen como pallabres aisllaes, pero cuando entren en composición
puen amosar una forma especial. Son les raíces afixes, como, por exemplu
blanqui- (del axetivu blancu -a -o) nel compuestu blanquinegru.
Davezu trátase de raíces prefixes. Ente elles (amás de blanqui-) atópense:
- mano > man-; exemplos: cuspir ’ mancuspir, corniar ’ mancorniar,
drecha ’ mandrecha, zorga ’ manzorga.
- pierna > pierni- ~ perni-; exemplos: llargu ’ piernillargu, quebrar ’
perniquebrar.
- pata > pati-; exemplos: curciu ’ paticurciu, curtiu ’ paticurtiu, llargu
’ patillargu.
- verde > verdi-; exemplos: negru ’ verdinegru, blancu ’ verdiblancu.
Delles raíces prefixes surden d'apócopes:
- africanu > afro-: asiáticu ’ afroasiáticu, americanu ’ afroamericanu.
- asturianu > astur-: lleonés ’ asturlleonés, falante ’ asturfalante.