Gramática - Academia de la Llingua Asturiana

4.1.1 CLASIFICACIÓN DE LES PALLABRES COMPUESTES
Independientemente de cuáles seyan les categoríes orixinales de los elementos
integrantes, el compuestu insiértase en xunto nuna categoría que
pue nun coincidir con elles. Asina, la composición pue dar llugar a sustantivos
(pincurrinchón, bígaru de pates, peullobu, sestaferia, picatueru),
a axetivos (llinguallarga, pintularrama, asturiano-lleonés o asturianolleonés,
cuatro güeyos, metepates, falambaldre) o a verbos (agarrapelar).
Acordies cola categoría de los primitivos sintagmes del compuestu, les
pallabres compuestes puen formase acordies con estos esquemes:
SUSTANTIVU + AXETIVU
Exemplos: bocadulce, bocarrota, caradura, colleralba, ferre palomberu,
gallu montés, gochu montés, llinguallarga, patalloria, patarroxa, perrucuspín,
picurrinchón, pitaciega, ratu dormidor, raullargu, vacalloria.
SUSTANTIVU + (PREPOSICIÓN) + SUSTANTIVU
En dellos casos el segundu sustantivu pue apaecer precedíu d'artículu.
Exem-plos: bígaru de pates, bocamina, caballín del diañu, cabudañu o
cabu d'añu, cocu de lluz o cocu lluz, casa del conceyu o casa'l conceyu,
día de gües o día gües, fueunculu, guxán de lluz, mal de güeyu o malgüeyu,
pala de dientes o paladientes, pexdegatu, pexedánxel, picu de cavar,
sidra del duernu o sidra'l duernu, vara de yerba o vara yerba.
SUSTANTIVU + SUSTANTIVU
Exemplos: cochecama, gatu algaire, peullobu, picuscayu, pintalarrama,
telaraña.
AXETIVU + AXETIVU
Exemplos: asturiano-lleonés, físico-químicu, gallego-portugués, llatinoamericanu,
político-relixosu.
AXETIVU + SUSTANTIVU
Exemplos: cuatro güeyos, medianueche, mediudía o meudía, milpates,
munchufríu, pintularrama, sietestrellu, toreyes (tou + oreyes).
ALVERBIU + AXETIVU
Exemplos: bienvenida, bienfaláu, bienfechor, bienveníu, bienllegáu,
malencaráu, malintencionáu, malcuriosu.
XXI.
Derivación
y composición
309