Gramática - Academia de la Llingua Asturiana

TETRA-
Prefixu improductivu, non categorizador y asociáu a axetivu. Significáu:
"cuatro". Exemplos: branquial ’ tetrabranquial, silábicu ’ tetrasilábicu.
TRES- ~ TRE-
Prefixu semiproductivu, categorizador o non categorizador y asociáu a
sustantivu, axetivu, alverbiu o verbu. Significaos:
- "Al traviés, d'un llau a otru": calar ’ trescalar, formar ’ tresformar, llucir
’ tresllucir, pasar ’ trespasar, plantar ’ tresplantar, poner ’ tresponer,
tornar ’ trestornar. Cuando ye categorizador, convierte un sustantivu
en verbu: llomba ’ tresllombar.
- "Enantes de, detrás de": oreya ’ tresoreyu, antayeri ’ tresantayeri.
- "Dafechu, del too": cegar ’ trecegar, cocer ’ trescocer, vertir ’ tresvertir.
- "Privación": allechar ’ tresllechar, vivir ’ tresvivise.
TRI-
Prefixu productivu, non categorizador o categorizador y asociáu a sustantivu
o axetivu. Significáu: "tres". Exemplos: ángulu ’ triángulu, motor ’
trimotor.
ULTRA-
Prefixu semiproductivu, non categorizador y asociáu a sustantivu o axetivu.
Significáu: "más allá, alluende". Exemplos: catolicismu ’ ultracatolicismu;
conservador ’ ultraconservador, marín ’ ultramarín, pirenaicu ’
ultrapirenaicu, violeta ’ ultravioleta.
UNI-
Prefixu productivu, non categorizador y asociáu a axetivu. Significáu:
"ún". Exemplos: celular ’ unicelular, personal ’ unipersonal.
VICE-
Prefixu productivu, non categorizador y asociáu a sustantivu. Significáu:
"en llugar de". Exemplos: conseyeru ’ viceconseyeru, direutor ’ vicedireutor,
presidente ’ vicepresidente.
3.4 Infixos
Llámense infixos a los elementos que s'insierten ente la raíz y un afixu y
vienen asina a reforzalu. Tienen el so orixe n'antiguos prefixos o sufixos
amestaos a otros, pero güei preséntense como elementos desprovistos
XXI.
Derivación
y composición
305