Gramática - Academia de la Llingua Asturiana

XXI.
Derivación
y composición
304
SO-
Prefixu semiproductivu, non categorizador y asociáu a sustantivu, axetivu
y verbu. Significaos:
- "Debaxo de": barba ’ sobarba, escribir ’ soscribir, lliteratura ’ solliteratura,
llombu ’ sollombu; llingual ’ sollingual, marín ’ somarín;
cavar ’ socavar, cortar ’ socortar, fitar ’ sofitar, meter ’ someter,
palanquiar ’ sopalanquiar, rayar ’ sorrayar, sacar ’ sosacar ~ sonsacar.
- "Poca intensidá". Exemplos: risa ’ sorrisa ~ sonrisa, rir ’ sorrir ~ sonrir.
- "Depués de, detrás de". Exemplos: cenar ’ socenar.
SOBRE-
Prefixu productivu, non categorizador y asociáu a sustantivu o verbu.
Significaos:
- "Enriba de": cama ’ sobrecama, carga ’ sobrecarga, ceya ’ sobreceya
~ sobreceyu, lliñu ’ sobrelliñu, muriu ’ sobremuriu, pesu ’ sobrepesu,
puerta ’ sobrepuerta; pasar ’ sobrepasar, poner ’ sobreponer, salir ’
sobresalir.
- "Depués de, detrás de". Exemplos: cena ’ sobrecena.
SUB-
Prefixu productivu, non categorizador, asociáu a sustantivu y axetivu.
Úsase en pallabres d'orixe cultu, alternando nel usu col prefixu so-: somarín
~ submarín, solliteratura ~ sublliteratura, sollingual ~ subllingual.
SUPER-
Prefixu semiproductivu, non categorizador y asociáu a sustantivu o axetivu.
Significáu "sobre, enriba, más allá": home ’ superhome, mercáu ’ supermercáu,
sónicu ’ supersónicu.
SUPRA-
Prefixu semiproductivu, asociáu a sustantivu o axetivu. Significáu: "penriba
de". Exemplos: humanu ’ supra-humanu, nacional ’ supranacional.
TELE-
Prefixu semiproductivu, non categorizador y asociáu a sustantivu o verbu.
Significáu: "lloñe, dende lloñe, a distancia". Exemplos: dirixir ’ teledirixir,
visión ’ televisión.