Gramática - Academia de la Llingua Asturiana

XXI.
Derivación
y composición
300
vu. Significáu: "debaxo". Exemplos: tensión ’ hipotensión; tensu ’ hipotensu.
IN-, IM- (ante «p», «b») o I- (ante «r», «l»)
Prefixu semiproductivu, non categorizador y asociáu a sustantivu, axetivu
o verbu. Significaos:
- "Dientro, en direición a dientro". Exemplos: migrar ’ inmigrar, poner ’
imponer.
- "Idea contraria, negación, privación". Exemplos: posibilidá ’ imposibilidá,
seguranza ’ inseguranza, xusticia ’ inxusticia; humanu ’ inhumanu,
lóxicu ’ ilóxicu, posible ’ imposible, retrucable ’ irretrucable,
sanu ’ insanu, seguru ’ inseguru, xustu ’ inxustu.
INFRA-
Prefixu semiproductivu, non categorizador y asociáu a sustantivu o axetivu.
Significáu: "debaxo". Exemplos: soníu ’ infrasoníu; humanu ’
infrahumanu, roxu ’ infrarroxu.
INTER-
Prefixu semiproductivu, non categorizador y asociáu a sustantivu o axetivu.
Significáu: "ente". Exemplos: rellación ’ interrellación; nacional ’
internacional, planetariu ’ interplanetariu.
INTRA- ~INTRO-
Prefixu semiproductivu, non categorizador y asociáu a sustantivu o axetivu.
Significáu: "dientro". Exemplos: historia ’ intrahistoria, venosu ’
intravenosu.
META-
Prefixu semiproductivu, non categorizador y asociáu a sustantivu o axetivu.
Significáu: "más allá, camudamientu". Exemplos: llinguaxe ’ metallinguaxe;
físicu ’ metafísicu.
MICRO-
Prefixu productivu, non categorizador y asociáu a sustantivu. Significáu:
"pequeñu". Exemplos: fotografía ’ microfotografía, onda ’ microonda.
MILI-
Prefixu improductivu, non categorizador y asociáu a sustantivu.
Significáu: "milésima parte". Exemplos: gramu ’ milígramu, llitru ’
milíllitru, metru ’ milímetru.