Gramática - Academia de la Llingua Asturiana

XXI.
Derivación
y composición
296
o verbu. Significa "por sí mesmu, de sí mesmu, a sí mesmu": retratu ’
autorretratu, móvil ’ automóvil, indultar ’ autoindultase.
BIS- ~ BI-
Prefixu improductivu, non categorizador y asociáu a sustantivu o axetivu.
Significa "dos vegaes, formáu por dos, doble": güelu ’ bisgüelu, motor ’
bimotor, mensual ’ bimensual, nietu ’ bisnietu, techu ’ bistechu.
CACO-
Prefixu improductivu, non categorizador y asociáu a sustantivu o axetivu.
Significáu: "malu". Exemplos: fónicu ’ cacofónicu, grafía ’ cacografía.
CENTI-
Prefixu improductivu, non categorizador y asociáu a sustantivu.
Significáu: "centésima parte". Exemplos: gramu ’ centígramu, llitru ’
centíllitru, metru ’ centímetru.
CIRCUN- ~ CIRCUM- (ante «b» o «p»)
Prefixu improductivu, non categorizador y asociáu a sustantivu, axetivu o
verbu. Significáu "alredor": navegación ’ circunnavegación; polar ’ circumpolar;
navegar ’ circunnavegar.
CON-, COM- (ante «b», «p») o CO-
Prefixu semiproductivu, non categorizador y asociáu a sustantivu, axetivu
o verbu. Significáu: "compaña, xuntamente, mutuamente". Exemplos:
causa ’ concausa, cuñáu ’ concuñáu, madre ’ comadre, padre ’ compadre,
pilotu ’ copilotu, suegru ’ consuegru; federal ’ confederal, oficial
’ cooficial; casar ’ concasar, celebrar ’ concelebrar, cuayar ’
concuayar, poner ’ componer, xuntar ’ conxuntar.
CONTRA-
Prefixu semiproductivu, non categorizador y asociáu a sustantivu, axetivu,
alverbiu o verbu. Significáu: "idea o postura contraria, compensación,
oposición". Exemplos: el cai ’ el contracái, lluz ’ contralluz, pesu ’
contrapesu, pobín ’ contrapobín, sentíu ’ contrasentíu; fechu ’ contrafechu;
a mano ’ a contramano; dicir ’ contradicir, poner ’ contraponer.
CUATRI-
Prefixu semiproductivu, non categorizador y asociáu a sustantivu o axetivu.
Significáu: "cuatro". Exemplu: motor ’ cuatrimotor.