Gramática - Academia de la Llingua Asturiana

XXI.
Derivación
y composición
288
Significaos:
- "Rellacionáu con, partidariu de": modernu ’ modernista, universal ’
universalista.
- "Ocupación, trabayu": arte ’ artista, diente ’ dentista, economía ’ economista,
especial ’ especialista, fútbol ’ futbolista, llétrica ’ lletricista,
llingua ’ llingüista, pianu ’ pianista.
-ITIS
Sufixu semiproductivu, non categorizador y asociáu a sustantivu.
Significáu: "inflamación". Exemplos: encéfalu ’ encefalitis, peritonéu ’
peritonitis.
-ITU, -ITA (en sustantivos)
-ITU, -ITA, -ITO (n'axetivos)
Sufixu productivu, non categorizador y asociáu a sustantivu. Significáu:
"diminutivu, dacuando tamién despeutivu": cabra ’ cabritu, flor ’ floritu,
manga ’ manguitu, mázcara ’ mazcaritu, paga ’ paguitu.
-ÍU
Sufixu improductivu, non categorizador y asociáu a sustantivu. Significáu:
"conxuntu": árbol ’ arbolíu, muyer ’ muyeríu, xente ’ xentíu.
-ÍU ~ -IDA
Sufixu improductivu, categorizador dende verbu y asociáu a sustantivu.
Significáu: "aición y efeutu". Exemplos: berrar ’ berríu ~ berrida, bramar
’ bramíu ~ bramida, bufar ’ bufíu ~ bufida, clamar ’ clamíu ~ clamida,
glayar ’ glayíu ~ glayida, miagar ’ miaguíu ~ miaguida, pitar ’
pitíu ~ pitida, quexase ’ quexíu ~ quexida, roncar ’ ronquíu ~ ronquida,
soplar ’ soplíu ~ soplida, tusir ’ tusíu ~ tusida, xiblar ’ xiblíu ~ xiblida.
-ÍVORU -ÍVORA -ÍVORO
Sufixu semiproductivu, categorizador y asociáu a axetivu. Significáu "que
come": carne ’ carnívoru, herba ’ herbívoru.
-ÍXENU -ÍXENA -ÍXENO
Sufixu semiproductivu, categorizador dende sustantivu y asociáu a axetivu.
Significáu "que produz": cáncer ’ canceríxenu.
-IZAR
Sufixu productivu, non categorizador o categorizador dende sustantivu o
axetivu, y asociáu a verbu. Significáu: "dar una cualidá a daqué, aplicar