Gramática - Academia de la Llingua Asturiana

- "Aición y efeutu curtiu y poco intensu": escorrer ’ escorripiar, esnalar
’ esnalopiar.
- Ensin significáu específicu: comenzar ’ comencipiar, empezar ’ empecipiar.
-IPU, -IPA
Sufixu improductivu, non categorizador y asociáu a sustantivu. Significáu:
"despeutivu". Exemplos: corra ’ corripa, corru ’ corripu, gola ’ golipu.
-IQUÍN, -IQUINA (en sustantivos)
-IQUÍN, -IQUINA, -IQUINO (n'axetivos)
Sufixu semiproductivu, non categorizador y asociáu a sustantivu, axetivu
o alverbiu. Significáu: "diminutivu": casa ’ casiquina, coru ’ coriquín,
cosa ’ cosiquina, home ’ homiquín, nuevu ’ nueviquín, pueblu ’ puebliquín,
sele ’ seliquín, vera ’ veriquina, xente ’ xentiquina.
-ISCAR ~ -ISQUIAR
Sufixu productivu, non categorizador y asociáu a verbu. Significáu:
"aición y efeutu curtiu y poco intensu". Exemplos: llorar ’ lloramiscar ~
lloramisquiar, llover ’ lloviscar ~ llovisquiar, namorar ’ namoriscar ~
namorisquiar, nevar ’ neviscar ~ nevisquiar.
-ISCU, -ISCA, -ISCO
Sufixu improductivu, non categorizador o categorizador dende sustantivu
y asociáu a axetivu. Significaos:
- "Xentiliciu": Llanes ’ llaniscu.
- "Despeutivu": fechu ’ fechiscu.
-ÍSIMU, -ÍSIMA, -ÍSIMO
Sufixu productivu, non categorizador y asociáu a axetivu o alverbiu.
Forma superlativos: grande ’ grandísimu, llocu ’ lloquísimu; munchu ’
munchísimu; cerca ’ cerquísima, tarde ’ tardísimo.
-ISMU
Sufixu productivu, categorizador dende axetivu y asociáu a sustantivu.
Significáu: "cualidá, época, doctrina". Exemplos: asturianu ’ asturianismu,
atéu ’ ateísmu, católicu ’ catolicismu, modernu ’ modernismu,
románticu ’ romanticismu, universal ’ universalismu.
-ISTA
Sufixu productivu, non categorizador y asociáu a sustantivu o axetivu.
XXI.
Derivación
y composición
287