Gramática - Academia de la Llingua Asturiana

XXI.
Derivación
y composición
286
-ÍFICU, -ÍFICA, -ÍFICO
Sufixu improductivu, categorizador dende sustantivu y asociáu a axetivu.
Significáu: "que produz". Exemplos: honor ’ honoríficu, terror ’ terroríficu.
-IL
Sufixu improductivu, non categorizador o categorizador dende sustantivu
y asociáu a sustantivu o axetivu. Significaos:
- "Asemeyáu, rellacionáu con". Exemplos: fondu ’ fondil, pastor ’ pastoril,
tambor’ tamboril.
- "Llugar afayadizu onde abonda daqué": cabra ’ cabril, llobu ’ llobil,
osu ’ osil.
-ÍN, -INA (en sustantivos)
-ÍN, -INA, -INO (n'axetivos)
Sufixu productivu, non categorizador y asociáu a sustantivu, axetivu o
alverbiu. Significaos:
- "Diminutivu": camín ’ caminín, casa ’ casina, home ’ homín, muyer
’ muyerina, rapaz ’ rapacín; blancu ’ blanquín, prestosu ’ prestosín,
vieyu ’ vieyín; apriesa ’ apriesina, cerca ’ cerquina, tarde ’ tardino.
- "Que nun ye natural pero sí asemeyáu": madre ’ madrina, padre ’
padrín.
-ÍN, -INA, -INO
Sufixu semiproductivu, categorizador dende sustantivu o verbu y asociáu
a axetivu. Significaos:
- "Cualidá": agua ’ agüín, cristal ’ cristalín, sal ’ salín, sangre ’ sangrín.
- "Enclín, afición": pescar ’ pesquín, revolver ’ revolvín.
- "Xentiliciu": Arxelia ’ arxelín, Arxentina ’ arxentín, Avilés ’ avilesín,
Bilbao ’ bilbaín, Candamu ’ candamín, Candás ’ candasín, Carreño
’ carreñín, Casu ’ casín, Cuadonga ’ cuadonguín, Filipines ’ filipín,
La Felguera ’ felguerín, L'Entregu ’ entreguín, Llastres ’ llastrín,
Lluanco ’ lluanquín, París ’ parisín, Salamanca ’ salamanquín,
Santander ’ santanderín, Sotrondio ’ sotrondín, Tarna ’ tarnín, Uviéu
’ uvieín, Villaviciosa ’ villaviciosín, Vizcaya ’ vizcaín.
- "Propiu d'un llugar o época": mar ’ marín, San Mateo ’ mateín, setiembre
’ setembrín.
-IPIAR ~ -OPIAR
Sufixu improductivu, non categorizador y asociáu a verbu. Significaos: