Gramática - Academia de la Llingua Asturiana

XXI.
Derivación
y composición
284
-IAR
Sufixu productivu, categorizador dende sustantivu o axetivu y asociáu a
verbu. Forma verbos: blancu ’ blanquiar, carpinteru ’ carpinteriar,
claru ’ clariar, flacu ’ flaquiar, turista ’ turistiar.
-IBLE
Sufixu improductivu, categorizador dende sustantivu o verbu y asociáu a
axetivu. Significaos:
- "Cualidá": atrayer ’ atrayible, espantu ’ espantible, granu ’ granible,
hermanu’ hermanible.
- "Que pue facese": beber ’ bebible, comer ’ comible, creyer ’ creyible,
escoyer ’ escoyible, lleer ’ lleíble, tarrecer ’ tarrecible.
-ICAR ~ -IQUIAR
Sufixu productivu, non categorizador y asociáu a verbu. Significáu:
"aición y efeutu curtiu y poco intensu". Exemplos: acoxar ’ acoxicar,
añar ’ añicar, comer ’ comicar, coser ’ cosicar, goler ’ golicar o goliquiar,
llover ’ llovicar o lloviquiar, nevar ’ nevicar, quexase ’ quexicase,
remozar ’ remocicar.
-ICIU ~ -ICIA
Sufixu semiproductivu, categorizador dende axetivu o verbu y asociáu a
sustantivu. Significáu: "cualidá, aición y efeutu". Exemplos: comer ’
comiciu, estropiar ’ estropiciu, lladrón ’ lladroniciu, malu ’ malicia,
xustu ’ xusticia.
-ICU, -ICA (en sustantivos)
-ICU, -ICA, -ICO (n'axetivos)
Sufixu improductivu, non categorizador y asociáu a sustantivu, axetivu o
alverbiu. Significáu: "diminutivu". Exemplos: espabiláu ’ espabiladicu,
fornu ’ fornicu, merienda ’ merendica, moru ’ moricu, temprano ’
tempranico.
´-ICU ´-ICA ´-ICO
Sufixu semiproductivu, categorizador dende sustantivu y asociáu a axetivu.
Significáu: "rellacionáu con". Exemplos: astronomía ’ astronómicu,
asturianista ’ asturianísticu, biblia ’ bíblicu, bioloxía ’ biolóxicu, economía
’ económicu, filosofía ’ filosóficu, llingüista ’ llingüísticu, mitu
’ míticu, turista ’ turísticu, volcán ’ volcánicu, xeografía ’ xeográficu.