Gramática - Academia de la Llingua Asturiana

-EXAR
Sufixu semiproductivu, non categorizador o categorizador dende sustantivu
y asociáu a verbu. Significáu: "aición y efeutu curtiu y poco intensu".
Exemplos: pata ’ patexar, pierna ’ pernexar.
-EXU, -EXA
Sufixu semiproductivu, non categorizador y asociáu a sustantivu.
Significáu diminutivu-despeutivu. Exemplos: árbol ’ arbolexu, canal ’
canalexa, cueru ’ corexa.
-EZA ~ -EZ
Sufixu semiproductivu, categorizador dende axetivu y asociáu a sustantivu.
Significáu: "cualidá": babayu ’ babayez, baxu ’ baxez o baxeza, duru
’ durez o dureza, guapu ’ guapez o guapeza, honráu ’ honradez, llimpiu
’ llimpieza, llixeru ’ llixereza, maduru ’ madurez, mudu ’ mudez,
noble ’ nobleza, pequeñu ’ pequeñez, puru ’ pureza, rápidu ’ rapidez,
redondu ’ redondez.
´-FERU ´-FERA ´-FERO
Sufixu semiproductivu, categorizador dende sustantivu y asociáu a axetivu.
Significáu "que produz": muerte ’ mortíferu, petroleu ’ petrolíferu.
´-FILU ´-FILA ´-FILO
Sufixu semiproductivu, non categorizador y asociáu a axetivu. Significáu
"amigu de": asturianu ’ asturianófilu, rusu ’ rusófilu.
-FORME
Sufixu semiproductivu, categorizador dende sustantivu y asociáu a axetivu.
Significáu "con forma de": filu ’ filiforme, fusu ’ fusiforme.
-ÍA
Sufixu improductivu, non categorizador o categorizador dende axetivu, y
asociáu a sustantivu. Significaos:
- "Cualidá": ardiente ’ ardentía, asturianu ’ asturianía, cortés ’ cortesía,
falsu ’ falsía, sonáu ’ sonadía.
- "Cargu, profesión, trabayu": alcalde ’ alcaldía, asesor ’ asesoría, capitán
’ capitanía, conseyeru ’ conseyería, inxenieru ’ inxeniería, mineru
’ minería.
- "Conxuntu": burgués ’ burguesía, feligrés ’ feligresía.
XXI.
Derivación
y composición
283