Gramática - Academia de la Llingua Asturiana

XXI.
Derivación
y composición
280
-ENU, -ENA, -ENO
Sufixu semiproductivu, non categorizador y asociáu a axetivu. Úsase pa
formar ordinales. Exemplos: nueve ’ novenu, once ’ oncenu, quince ’
quincenu, venti ’ ventenu.
-EÑU, -EÑA, -EÑO
Sufixu semiproductivu, categorizador dende sustantivu y asociáu a axetivu.
Significaos:
- "Xentiliciu": Brasil ’ brasileñu, Lima ’ limeñu.
- "Rellacionáu con": burru ’ burreñu, fierro ’ ferreñu.
-ERCU, -ERCA
Sufixu improductivu, non categorizador y asociáu a sustantivu.
Significáu: "cría". Exemplos: llobu ’ llobercu.
-ERÍA
Sufixu productivu, non categorizador o categorizador dende axetivu y asociáu
a sustantivu. Significaos:
- "Cualidá, aición y efeutu (davezu con calter despeutivu)": babayu ’
babayería, farrucu ’ farruquería, fatu ’ fatería, folgazán ’ folgazanería,
lladrón ’ lladronería, llambión ’ llambionería, puercu ’ porquería,
tontu ’ tontería.
- "Llugar onde se fai o viende daqué": barba ’ barbería, fierro ’ ferrería,
lleche ’ llechería, llibru ’ llibrería, madera ’ maderería, mueble ’
mueblería, páxaru ’ paxarería, sidra ’ sidrería, zapatu ’ zapatería.
-ERÍU ~ -ERÍA
Sufixu improductivu, non categorizador y asociáu a sustantivu.
Significáu: "conxuntu". Exemplos: guah.e ’ guah.eríu ~ guah.ería, rapaz
’ rapaceríu ~ rapacería, voz ’ voceríu.
-ERU, -ERA (en sustantivos)
-ERU, -ERA, -ERO (n'axetivos)
Sufixu productivu, non categorizador o categorizador dende sustantivu,
alverbiu o verbu, y asociáu a sustantivu o axetivu.
- "Profesión, trabayu": ablana ’ ablaneru, aguilandu ’ aguilanderu,
barba ’ barberu, barcu ’ barqueru, braña ’ brañeru, camión ’
camioneru, carta ’ carteru, chalana ’ chalaneru, chigre ’ chigreru,
cocina ’ cocineru, fierro ’ ferreru, gaita ’ gaiteru, ganáu ’ ganade-