Gramática - Academia de la Llingua Asturiana

XXI.
Derivación
y composición
276
y asociáu a sustantivu o axetivu. Significáu: "fraccionariu". Exemplos:
ocho ’ ochavu, quince ’ quinceavu, trenta ’ trentavu, venti ’ ventiavu.
-AYAR
Sufixu semiproductivu, non categorizador y asociáu a verbu. Significáu
despeutivu: escribir ’ escribayar, tontu ’ tontayar.
-AYU, -AYA (en sustantivos)
-AYU, -AYA, -AYO (n'axetivos)
Sufixu semiproductivu, non categorizador o categorizador dende sustantivu
o verbu, y asociáu a sustantivu o axetivu. Significáu despeutivu. Exemplos:baba
’babayu, colgar ’colgayu, dulce ’dulzayu,espantar ’ espantayu,
mazcar ’ mazcayu, pata ’ patayu, pera ’ perayu, pingar ’ pingayu,
puercu ’ porcayu, simple ’ simplayu, triste ’ tristayu, viciu ’ viciayu.
-AZ
Sufixu improductivu, non categorizador y asociáu a sustantivu y axetivu.
Significaos:
- "Conxuntu" (con sustantivos): bárganu ’ barganaz, piedra ’ pedraz.
- "Intensivu" (con axetivos): bonu ’ bonaz, puercu ’ porcaz.
-AZA
Sufixu improductivu, categorizador dende verbu y asociáu a sustantivu.
Significáu: "aición y efeutu". Exemplos: amarrar ’ amarraza, esfoyar ’
esfoyaza, filar ’ filaza, pisar ’ pisaza.
-AZU
Sufixu productivu, non categorizador o categorizador dende verbu y asociáu
a sustantivu. Significaos:
- "Golpe": bárganu ’ barganazu, cabeza ’ cabezazu, cibiella ’ cibiellazu,
coldu ’ coldazu, culu ’ culazu, fesoria ’ fesoriazu, focicu ’ focicazu,
garrote ’ garrotazu, llombu ’ llombazu, madreña ’ madreñazu,
martiellu ’ martellazu, ñariz ’ ñarigazu ~ ñarizazu, peña ’ peñazu,
rodiya ’ rodiyazu, tisoria ’ tisoriazu, verdiasca ’ verdiascazu.
- "Aición y efeutu curtiu": emburriar ’ emburriazu, solmenar ’ solmenazu,
sotripar ’ sotripazu, surniar ’ surniazu, xiringar ’ xiringazu.
-AZU, -AZA (en sustantivos)
-AZU, -AZA, -AZO (n'axetivos)
Sufixu productivu, non categorizador y asociáu a sustantivu o axetivu.
Significáu aumentativu: bribón ’ bribonazu, coche ’ cochazu, home ’