Gramática - Academia de la Llingua Asturiana

XXI.
Derivación
y composición
272
Significáu: "conxuntu". Exemplos: colondra ’ colondrame, costiella ’
costellame, diente ’ dentame, furu ’ furame, lloria ’ lloriame, mueble ’
moblame, vela ’ velame.
-ÁN, -ANA, -ANO
Sufixu semiproductivu, non categorizador o categorizador dende sustantivu
o verbu y asociáu a axetivu. Significaos:
- "Xentiliciu": Ayer ’ ayerán, Quirós ’ quirosán, Somiéu ’ somedán,
Teberga ’ tebergán.
- "Despeutivu": charrar ’ charrán, folganza ’ folganzán, folgar ’ folgán,
home ’ homán, mierda ’ mierdán, muyer ’ muyerán, tiempu ’
tempán, tontu ’ tontán, trapichar ’ trapichán, traximar ’ traximán.
-ANCU, -ANCA
Sufixu semiproductivu, non categorizador y asociáu a sustantivu.
Significáu despeutivu. Exemplos: piedra ’ pedranca, palu ’ palancu,
pozu ’ pozancu.
-ANCHU, -ANCHA
Sufixu improductivu, non categorizador y asociáu a sustantivu. Significáu
aumentativu-despeutivu. Exemplos: fierru ’ ferranchu, fola ’ folanchu ~
folancha.
-ANGU, -ANGA, -ANGO
Sufixu semiproductivu, non categorizador y asociáu a sustantivu. Significáu
despeutivu: floritu ’ floritanga ~ floritangu, paisanu ’ paisanangu, señoritu
’ señoritangu, señorita ’ señoritanga, señorito ’ señoritango.
-ANTE
Sufixu semiproductivu, categorizador dende verbu y asociáu a sustantivu
o axetivu. Significaos:
- "Cualidá, que fai una aición": alloriar ’ alloriante, cafiar ’ cafiante,
falar ’ falante, importar ’ importante, mangar ’ mangante, repunar
’ repunante, sobrar ’ sobrante, votar ’ votante.
- "Profesión, trabayu": ayudar ’ ayudante, cantar ’ cantante, comerciar
’ comerciante, dibuxar ’ dibuxante, estudiar ’ estudiante, navegar ’
navegante, negociar ’ negociante.
-ANU, -ANA, -ANO
Sufixu semiproductivu, categorizador dende sustantivu o alverbiu, y asociáu
a axetivu. Significaos: