Gramática - Academia de la Llingua Asturiana

) N'otres munches ocasiones, la «i» átona nun ye a esplicase por derivación
a partir d'otra pallabra, nin se rellaciona con formes verbales con i
tónica del mesmu paradigma. Exemplos de pallabres con «i» átona son:
dilixencia, diputáu, militar, ministru, minutu, oficina, principiu,
Principáu, visita, biblioteca, bicicleta, ciclismu, circular, diccionariu,
direutor, disimular, figura, titular, etc. La consulta a un diccionariu normativu
desaniciará toa dulda.
c) La i- inicial, abondosa en pallabres d'orixe cultu, pue realizase na pronunciación
popular, amás de como [i-], como [e-]. Esti ye'l casu tamién
de los prefixos d'orixe cultu in- o im-, inter-, intra-, infra-, dis- y otros.
D'esti mou, escribiráse: invisible, industria, importante, ineutu, infestar,
inmeyorable, intención, inxertar; internacional, interpretar; intravenosu;
infrarroxu, infrahumanu; discursu, discrimináu, etc.
3.1.3 VOCAL ÁTONA O
El fonema /o/ en sílaba átona presenta, davezu, realizaciones fonétiques
que van dende la [u.] más zarrada a la [o ] más abierta. En tolos casos escribiráse
«o». Exemplos: probín, non *prubín; bocáu, non *bucáu; cosiquina,
non *cusiquina; pocoñín, non *pucuñín; atopar, non *atupar; foguera,
non *fuguera; morrer, non *murrer; povisa, non *puvisa; costiella, non
*custiella; gorgutar, non *gurgutar; tocín, non *tucín; etc.
Ye esperable, entóncenes, que surdan duldes respeuto a la escritura con
«o» o con «u» átones en ciertes pallabres. Al envís de desaniciar eses duldes,
puen dase les siguientes regles:
a) Escribiráse «o» átona nuna pallabra derivada (o sentida como tala) d'otra
primitiva con o tónica. Exemplos: probín (de probe), bocáu (de
boca), homín (de home), llobercu (de llobu), coxera (de coxu), cosiquina
(de cosa), pocoñín (de pocu), etc.
Del mesmu mou, tamién s'escribirá «o» átona nes formes verbales rellacionaes
con formes fuertes en o tónica. Exemplos: aforrar (yo aforro), atopar
(yo atopo), amoriar (yo amorio), votar (tu votes), abociar (él abocia), colar
(ellos colen), comer (yo como), corar (tu cores), adomar (él adoma), fozar
(ellos focen), escosar (yo escoso), llorar (tu llores), montar (él monta),
notar (elles noten), posar (yo poso), robar (tu robes), roñar (ella roña),
rosar (rosa), royer (ellos royen), rozar (yo rozo), tocar (tu toques), etc.
b) Escribiráse «o» átona nes pallabres derivaes (o sentíes como tales) d'otres
primitives que presenten el diptongu tónicu ue. Exemplos: foguera
II.
Les vocales
27