Gramática - Academia de la Llingua Asturiana

con otros elementos del sintagma o de la oración. El sustantivu, l’axetivu
y el verbu presenten signu o signos morfolóxicos, pero non l’alverbiu (que
ye, por ello, una pallabra invariable).
Los signos morfolóxicos d’una llingua preséntense en llistes zarraes y en
númberu fixu que nun fai camudar conscientemente l'aición de los falantes
y qu'ofrez curtios cambios (o nengún) cola evolución a lo llargo del
tiempu.
El conteníu d'un signu morfolóxicu llámase morfema, y la espresión concreta
que cueye recibe'l nome de formante. Los signos morfolóxicos nominales,
esto ye, los del sustantivu y axetivu, son: el xéneru (masculín, femenín,
neutru), el númberu (singular, plural) y l'artículu. Los signos morfolóxicos
verbales son: la persona (1ª, 2ª, 3ª), el númberu (singular, plural),
el mou (imperativu, indicativu, suxuntivu), el tiempu (presente, pasáu,
futuru), l'anterioridá y l'aspeutu.
2
Formación de pallabres
Los repertorios léxicos nunca tán peracabaos, darréu que les necesidaes
comunicatives de la comunidá llingüística camuden de contino; ello produz
que delles pallabres dexen d'usase (arcaísmos), qu'otres s'arrequexen
nel usu de delles zones (arcaísmos dialeutales) y qu'otres camuden el so
significáu, etc. Ente estos fenómenos atópase'l de la creación o formación
de pallabres nueves, nomaes neoloxismos.
N'efeutu, cuando los falantes de la llingua necesiten oxetivamente enanchar
el repertoriu léxicu, formen neoloxismos, que puen ser:
a) Pallabres formaes per aciu d'otres llingües (neoloxismos propiamente
dichos). Trátase de los empréstamos (adautaos, como xalé del francés,
mitín del inglés, ayuntamientu del castellanu, o non adautaos, como golf
del inglés, déficit del llatín) y de los calcos (como ciencia ficción del
inglés).
b) Pallabres formaes per aciu de los medios qu'ofrez la propia llingua.
Trátase de los procedimientos nomaos afixación o derivación (emplegu
de prefixos y sufixos, como en so-barba o folix-eru), composición (formación
de lexemes complexos, como en cabu-d-añu) y parasíntesis
(combinación d'afixación y composición, como en picu-rrinch-ón, o de
prefixación y sufixación, como en em-pedr-iar).
XXI.
Derivación
y composición
265