Gramática - Academia de la Llingua Asturiana

XX.
Les
conxunciones
262
CUANTES (QUE) ~ EN CUANTES (QUE)
Espresa qu'un fechu produzse inmediatu a otru. Exemplos: cuantes (que)
garre les vacaciones salgo de viaxe, en cuantes lo supo corrió a avisalos.
NAMÁS (QUE) ~ NAMÁI
Refierse a la inmediatez: namás que t'enteres dí-yoslo a ellos, namái lo
faigan que nun dexen d'avisar.
MALPENES ~ MALAPENES
Tamién espresa inmediatez: malpenes lu vi dime cuenta de lo vieyu que ta.
DESQUE ~ DE QUE
Espresa'l momentu nel que tien orixe otru fechu; equival a "dende que".
Exemplos: desque ye direutor nun hai quien fale con él, eso pásanos de
qu'hai alcalde nuevu.
DE MAGAR
Espresa, lo mesmo que desque, orixe d'una aición: de magar atopó trabayu
paez que ta más llasparderu.
DE MOU
COMO
Na so condición de conxunción –non de relativu– úsase ensin antecedente.
Exemplos: nes romeríes baillen como-yos deprendieron, failo como puedas.
SEGÚN
Exemplos: según escribes vas cansar muncho la mano.
DE CAUSA
COMO
Exemplu: como nun-y dieron bon tratu, ella presentó una quexa na direición.
PUESTO QUE, YÁ QUE
Exemplos: puesto que yes nacíu en Ribesella, sabrás de coses de la mar;
fala con ella, yá que dices que te fai casu.
FINALES
AL ENVÍS DE QUE ~ COL ENVÍS DE QUE
Exemplu: presentóse nel ayuntamientu al envís de que lu inscribieran.