Gramática - Academia de la Llingua Asturiana

XX.
Les
conxunciones
258
2.2.1 CONXUNCIONES COPULATIVES
Espresen una amestanza o suma ente los términos que s'enllacen. Son les
siguientes:
Y ~ YA
Dambes formes son equivalentes dafechu en tolos casos: Uviéu y Xixón o
Uviéu ya Xixón, blancos y negros o blancos ya negros, enriba y embaxo o
enriba ya embaxo, nieva y orbaya o nieva ya orbaya.
De toes maneres, cuando a la forma y sigue pallabra qu'entama per i-, hi-
(non parte de diptongu), aconséyase escribir ya pa nun dar llugar a cacofonía:
branu ya iviernu, oru ya inciensu, teoríes ya hipótesis, Xuan ya
Hilario.
NIN
Estrémase de y ~ ya nel so conteníu negativu. Ye corriente qu'apaeza repetida
na secuencia nin... nin, precediendo a caún de dambos términos.
Exemplos: nun me disgusta (nin) Uviéu nin Xixón, nun son (nin) blancos
nin negros, nun taben (nin) enriba nin embaxo. Precediendo al verbu sustitúi
a la negación nun: nun nieva nin orbaya o nin nieva nin orbaya.
2.2.2 CONXUNCIONES DIXUNTIVES
Indiquen que los dos términos preséntense de manera qu'ún refuga al otru,
nun pudiendo escoyese dambos al mesmu tiempu. Son les siguientes:
O
Exemplos: quiero parroches o bocartes, yeren cangueses o valdesanos,
facémoslo güei o mañana, calláis o échenvos. La dixunción pue reforzase
si la secuencia ye o... o, de manera que tamién ye posible: quiero o parroches
o bocartes, yeren o cangueses o valdesanos, facémoslo o güei o
mañana, o calláis o échenvos.
Énte pallabra qu'entama per o-, ho-, aconséyase escribir la variante u pa
nun dar llugar a cacofonía: esti u otru, llueve u orbaya, muyeres u homes,
Olaya u Hortensia.
O BIEN... O BIEN
Espresa una dixunción reforzada: facémoslo o bien güei o bien mañana.
2.2.3 CONXUNCIONES ADVERSATIVES
Espresen un contraste o contraposición ente los términos. Son éstes: