Gramática - Academia de la Llingua Asturiana

XIX.
Les
preposiciones
238
variaes les preposiciones que puen valir d'índiz funcional de suplementu:
enxamás pudo avezase a madrugar; quéxense de la comida; los neños suañen
colos anxelinos; enfótense en ti; ta naguando por un garitu de pan.
4
4.1 A
Descripción de les preposiciones
4.1.1 FORMA
La preposición a forma estes contraiciones:
a + el ’ al
a + en ’ an
Exemplos: voi al pueblu, voi an casa de Xuacu.
4.1.2 CONTENÍOS Y EMPLEGOS
La preposición a amuesa estremaos significaos:
a) Direición, que pue referise al llugar al que se va. Exemplos: vamos a
casa d'Elena; van xubir al monte más altu del conceyu. Con esti significáu,
a pue combinase cola preposición en: vamos an casa d'Elena. La
referencia espacial pue entendese en sentíu figuráu: asina vas enfiláu al
viciu, llegó a la muerte arrodiáu del ciñu de toos. El significáu direicional
pue coyer referencia temporal: d'equí al mes que vien tien que tar
acabáu esi llabor, de xineru a xunetu hai seis meses.
b) Localización o allugamientu, con referencia nel espaciu: tengo un dolor
a esti brazu, el mio pueblu ta a venti quilómetros d'equí. O nel tiempu:
facemos l'aconceyamientu a les seis de la tarde, morrió a los noventa
años.
c) Cuando a ye índiz funcional de complementu direutu (ver XXIII.3.2.2),
significa oxetu de l'aición verbal: traxo al hermanu en coche.
d) Per otru llau, el contestu pue arrodiar a la preposición a de significaciones
suplementaries, como son, ente otres, la de "valor o preciu": la
botella sidra taba a doscientes pesetes, nesi comerciu viéndenlo too a
cien pesetes.
4.1.3 OTROS EMPLEGOS
La preposición a emplégase en delles perífrasis verbales, como se ve en
XVI.14.1. Por exemplu: el guardia echó a correr tres d'ellos per tol par-